देवदह । देवदहमा शुक्रवार सम्पन्न रक्तदान कार्यक्रममा ५३ पिन्ट रगत संकलन भएको छ । वडा नं ९ को आयोजना र रक्त सञ्चार सेवा केन्द्र बुटवलको प्राविधिक सहयोगमा भएको कार्यक्रममा ५३ पिन्ट रगत संकलन भएको वडा अध्यक्ष मोहनबहादुर जिसीले जानकारी दिए ।
‘चौथो बृहत् रक्तदान नामक उक्त कार्यक्रममा १६ जना नयाँ रक्तदाताले रक्तदान गरेको वडा अध्यक्ष जिसीले बताए । ‘हामीले यसअघि पनि ३ पटक वडा कार्यालयमै रक्तदान कार्यक्रम सम्पन्न गरेका थियौं ।
जिसीका अनुसार वडाले पहिलो पटक ५२ पिन्ट र दोस्रो पटकको कार्यक्रममा ६५ पिन्ट र तोस्रो कार्यक्रममा ४७ पिन्ट रगत संकलन भएको थियो । वडाले विभिन्न समयमा स्वास्थ्य सम्बन्धि कार्यक्रम गर्नेगरेको बताउँदै जिसीले भने, ‘देवदह रक्तदाताहरुको हिसावले धनी नगर हो, यो पटक रक्तदान कार्यकै लागि स्थापना भएको नेपाल स्वयंसेवी रक्तदाता समाज देवदहसँगको सहकार्यमा भएको कार्यक्रम अत्यन्त उत्साहजनक रुपमा सम्पन्न भएको छ ।’
यसैविच रक्तदान कार्यक्रमकै अवसर पारेर बिहिवार वडा कार्यालयमा निशुल्क आँखा परिक्षण सेवा समेत उपलब्ध गराइएको छ । नेप स्पेक्स आँखा उपचार केन्द्रको प्राविधिक सहयोगमा भएको आँखा परिक्षणमा ५० जनाले सेवा लिएको वडा सचिव कमला टण्डनले जानकारी दिइन् ।
Copyright © All right reserved to setomasi.com
Site By: SobizTrend Technology