Logo

२०८३, मंसिर ५गते


images
images

समाचार

प्रहरी कर्मचारीका गुनासा सुन्न केन्द्रीय डेस्क स्थापना

प्रहरी कर्मचारीका गुनासा सुन्न केन्द्रीय डेस्क स्थापना

images
  • प्रहरी कर्मचारीका गुनासा सुन्न केन्द्रीय डेस्क स्थापना
    images

    काठमाडौँ । नेपाल प्रहरीले तल्लो तहका प्रहरी कर्मचारीका समस्या तथा गुनासा सुनुवाइ गर्न केन्द्रीय गुनासो व्यवस्थापन डेस्क स्थापना गरेको छ ।

    images
    images
    images

    प्रहरी महानिरीक्षक डा. मनोजकुमार केसीले शुक्रबार उक्त डेस्कको उद्घाटन गरेका हुन् । उनले प्रहरी कार्यालय सहयोगीदेखि प्रहरी वरिष्ठ हवल्दारसम्मका ५४ हजार १२२ जना कर्मचारीको मोबाइलमा एकैपटक गुनासा दर्ता गर्न सकिने विद्युतीय फारामको लिङ्क पठाएका थिए । साथै, एक प्रहरी कर्मचारीसँग प्रत्यक्ष टेलिफोन संवाद गरी उनको गुनासो सुनेपछि डेस्कको औपचारिक शुभारम्भ गरेका थिए ।

    images
    images
    images

    प्रहरी नियमावली, २०७१ को नियम १९६ अनुसार स्थापना गरिएको डेस्कको उद्देश्य तल्लो तहका प्रहरी कर्मचारीको पेसागत तथा सेवागत जीवनलाई सुरक्षित, सम्मानित र न्यायोचित बनाउनु रहेको छ ।

    images
    images

    प्रहरी महानिरीक्षक केसीले कर्मचारीले भोग्नुपरेका समस्या, कठिनाइ, असमान व्यवहार, विभेद तथा अन्य गुनासोको निष्पक्ष सुनुवाइ गरी समयमै सम्बोधन गर्न डेस्कमा खटिएका अधिकारीलाई निर्देशन दिएका छन् ।

    यस व्यवस्थाले नेपाल प्रहरीभित्र तल्लो तहका कर्मचारीका समस्या र गुनासो सम्बोधन गर्ने प्रभावकारी संयन्त्रका रूपमा काम गर्ने अपेक्षा गरिएको छ ।

    images
    images
    images
    images
    images
    images
    images
    images
    images
    images
  • सम्बन्धित विषय:

  • # प्रहरी
  • images

    Copyright © All right reserved to setomasi.com

    सेतोमसीमा प्रकाशित कुनै पनि सामग्रीहरू छापा, विद्युतीय वा अन्य कुनै पनि माध्यमबाट प्रकाशन वा प्रशारण गर्नुअघि अनुमति लिनुहुन अनुरोध छ ।