देवदह आदर्श क्याम्पसमा ८ देखि ४ बजेसम्म मतदान, भोलि नै मतपरिणाम सार्वजनिक हुने

सेतोमसी
चैत्र ४, २०७९ शनिवार

देवदह आदर्श क्याम्पसमा ८ देखि ४ बजेसम्म मतदान, भोलि नै मतपरिणाम सार्वजनिक हुने

अ +
अ
अ -

देवदह । देवदह आदर्श बहुमुखी क्याम्पसमा भोलि बिहान ८ देखि दिउँसो ४ बजेसम्म मतदान हुने भएको छ। शनिबार क्याम्पसमा पत्रकार सम्मेलन गर्दै निर्वाचन समितिले ८ देखि ४ बजेसम्म मतदान हुने र बेलुका १० बजेसम्म मतपरिणाम सार्वजनिक गर्ने जनाएको छ।

पत्रकार सम्मेलनमा निर्वाचन अधिकृत होमनाथ शर्माले फाल्गुन ३ देखि आजसम्म क्याम्पसमा निर्वाचन समितिले गरेका गतिविधी सार्वजनिक गर्दै हालसम्म सहज रूपमा कार्य सम्पादन भएको र निर्वाचनको दिन र मतगणना अवधीसम्म पनि सोहि अवस्था कायम रहने विश्वास व्यक्त गरे।

भोलि हुने निर्वाचनका लागि विद्यार्थीलाई मतदान केन्द्रसम्म ल्याउन क्याम्पसकै बस परिचालन गरिने उल्लेख गर्दै शर्माले क्याम्पसको परिचय पत्र वा अन्य कुनै फोटो सहितका सरकारी परिचय पत्र देखाएर मतदान गर्ने व्यवस्था मिलाईएको बताए।

क्याम्पसमा निर्वाचन सम्पन्न गर्न शर्माको संयोजकत्वमा ७ सदस्यीय निर्वाचन समिति क्रियाशिल छ, जसको सदस्यमा नविनकुमार श्रेष्ठ, प्रकाश सुवेदी, खेमानन्द ज्ञवाली, बालकृष्ण रिमाल, कृष्ण अर्याल र सुनिता खरेल रहेका छन्। पत्रकार सम्मेलनको सहजीकरण निर्वाचन समिति सदस्य खेमानन्द ज्ञवालीले गरेका थिए।

देवदह आदर्श बहुमुखी क्याम्पसमा ४ वटा विद्यार्थी संगठनले चुनाबमा भाग लिएका छन्।