देवदह । अख्तियार दुरूपयोग अनुसन्धान आयोगले नक्कली शैक्षिक प्रमाणपत्र पेश गरी जागिर खाएको आरोपमा रूपन्देहीको देवदह आदर्श बहुमुखी क्याम्पसका तत्कालिन सहायक प्राध्यापक दुर्गादत्त शर्माविरुद्ध मुद्दा दायर गरेको छ।
तत्कालिन अवस्थामा देवदह-५ स्थित केरवानी माध्यमिक विद्यालयका स्थायी शिक्षक रहेका दुर्गादत्त शर्माले स्नातकोत्तर तहको नक्कली शैक्षिक प्रमाणपत्र पेश गरी देवदह आदर्श बहुमुखी क्याम्पसको सहायक प्राध्यापक पदमा नियुक्ति लिएको आरोपमा बुधबार विशेष अदालत काठमाडौंमा मुद्दा दायर गरेको आयोगका प्रवक्ता नरहरी घिमिरेद्वारा जारी प्रेस विज्ञप्तिमा उल्लेख छ ।
केरवानी माविको प्रधानाध्यापकको जिम्मेवारी समेत समालेर शर्मा हाल सेवा निवृत्त भएका छन् । अख्तियारले उनीविरुद्ध भ्रष्टाचार मुद्दा दायर गरेको जनाएको छ।
शर्माले नक्कली स्नातकोत्तर (एम.ए.) तहको शैक्षिक लब्धाङ्क पत्र र प्रमाणपत्रहरु क्याम्पसमा पेश गरी सहायक प्राध्यापकको नियुक्ति लिएको कार्य भ्रष्टाचार निवारण ऐन, २०५९ को दफा १६(१) बमोजिमको कसुर भएको हुँदा उनीविरुद्ध भ्रष्टाचार निवारण ऐन, २०५९ को दफा १६(१) बमोजिम सजाय हुन मागदाबी गरिएको अख्तियारले जनाएको छ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
