देवदह । देवदह बुद्ध पब्लिक आवासीय माध्यमिक विद्यालयमा चित्रकला प्रतियोगिता सम्पन्न भएको छ । मंगलवार भएको प्रतियोगितामा कक्षा १ देखि ९ सम्मका विद्यार्थी सहभागी थिए ।
विद्यालयको वार्षिक क्यालेण्डर अनुसार प्रतियोगिता सञ्चालन गरिएको अतिरिक्त क्रियाकलाप प्रमुख ढुण्डिराज मरासिनीले बताए । विद्यार्थीभित्र रहेको आन्तरिक प्रतिभा प्रस्फुटन गराउने तथा चित्रकलाजस्ता सिर्जनात्मक माध्यमबाट ज्ञान अभिवृद्धि गर्ने उद्देश्यले कार्यक्रम आयोजना गरिएको विद्यालयले जनाएको छ ।
प्रतियोगिता पूर्व–प्रा.वि, प्रा.वि, नि.मा.वि र मा.वि तह अनुसार छुट्टाछुट्टै रूपमा सञ्चालन गरिएको जनाइएको छ ।
कार्यक्रममा सहायक प्रिन्सिपलद्वय वेद सूर्यवंशी र रोशी गुरुङ, कक्षा १२ इन्चार्ज अनन्तराम भण्डारी, मा.वि इन्चार्ज मुक्तिलाल विश्वकर्मा, नि.मा.वि इन्चार्ज अञ्जना वली, प्रा.वि इन्चार्ज अस्मिता गुरुङ तथा पूर्व–प्रा.वि इन्चार्ज मनमाया रुचाल लगायत शिक्षक–शिक्षिकाको उपस्थिति रहेको थियो ।
प्रतियोगितामा सहभागी एक विद्यार्थीहरुले यस्ता कार्यक्रमले किताबी ज्ञानसँगै सिर्जनात्मक क्षमता विकास गर्न सहयोग पुग्ने बताएका छन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)