२२औँ वार्षिकोत्सव मनाउँदै बुद्ध पब्लिक

सेतोमसी
माघ २७, २०८० शनिवार

अ +
अ
अ -

देवदह । रुपन्देहीको देवदह -५ मा अवस्थित देवदह बुद्ध पब्लिक आवासीय माध्यमिक विद्यालयले २२औं वार्षिकोत्सव मनाउने भएको छ । शनिबार विद्यालयमा पत्रकार सम्मेलन गर्दै फाल्गुन ७ गते विविध कार्यक्रमसहित वार्षिकोत्सवको मूल समारोह गरिने प्राचार्य कृष्णप्रसाद गैरेले जानकारी दिए ।

पत्रकार सम्मेलनमा बोल्दै प्राचार्य गैरेले विद्यार्थी, अभिभावक र समुदाय केन्द्रित कार्यक्रमसहित वार्षिकोत्सव मनाउने तयारी गरिएको बताए ।

मन्टेश्वरीदेखि कक्षा १२ सम्म झन्डै दुई हजार विद्यार्थी अध्ययनरत बुद्ध पब्लिकले वार्षिकोत्सवको अवसरमा जिल्लास्तरिय हाजिरी जवाफ, खेलकुद, खाना महोत्सवसंगै टोल सरसफाई र नाक, कान र घाटी रोगको नि: शुल्क परिक्षण शिविर र विज्ञान प्रदर्शनीको आयोजना गर्ने जनाईएको छ ।

विद्यालयले २ गते सरस्वती पूजाको अवसरमा भर्ना शुल्कमा छुटका साथ विद्यार्थी भर्ना कार्यक्रम पनि वार्षिकोत्सवको कार्यक्रम अन्तरगत राखिएको गैरेले बताए ।
वार्षिकोत्सवको अवसरमा आयोजित स्पोर्ट मिट लगायतका कार्यक्रममा कम्तिमा २५० विद्यार्थी पुरस्कृत हुने विद्यालयले जनाएको छ ।

पत्रकार सम्मेलनमा बोल्दै विद्यालय व्यवस्थापन समितिका अध्यक्ष जयकिशन अधिकारीले शिक्षालाई समुदाय र समुदायलाई शिक्षासंग जोड्न आफूहरूले प्रयत्न गर्दै आएको बताएका थिए ।