देवदहमा रक्तदान कार्यक्रम, ४० पिन्ट रगत संकलन

सेतोमसी
आश्विन २५, २०८२ शनिवार

देवदहमा रक्तदान कार्यक्रम, ४० पिन्ट रगत संकलन

अ +
अ
अ -

देवदह । रुपन्देहीको देवदह–५ प्रगतिबजारमा आयोजित रक्तदान कार्यक्रममा ४० पिन्ट रगत संकलन भएको छ । शनिवार स्थानीय युवा प्रगति युवा क्लबले कार्यक्रमको आयोजना गरेको थियो ।

रक्तअभावका कारण कसैको पनि ज्यान जान नपरोस् भन्ने उद्देश्यले रक्तदान कार्यक्रमको आयोजना गरेको क्लबका अध्यक्ष गोपालमान तमुले जानकारी दिए ।

कार्यक्रममा वक्ताहरूले देवदहलाई ‘रगतको हब’का रूपमा विकास गर्न निरन्तर रक्तदान अभियान सञ्चालन गर्नुपर्नेमा जोड दिएका थिए । उनीहरूका अनुसार यस्ता कार्यक्रमले सामुदायिक सहकार्य, मानवतावादी भावना र सामाजिक उत्तरदायित्वको सन्देश प्रवाह गर्न मद्दत गर्छन् ।

कार्यक्रममा नेपाल नियमित रक्तदाता संघ, प्रगति टोल विकास संस्था, कोलुवा–शान्तिटोल विकास संस्था, शिवशक्ति धाम मन्दिर र देवदह प्रेस क्लबको सहकार्य रहेको थियो । नेपाल रेडक्रस सोसाइटी भैरहवा ब्लड बैंकले कार्यक्रममा प्राविधिक सहयोग प्रदान गरेको थियो ।

क्लबका अध्यक्ष गोपालमान तमुको अध्यक्षतामा सम्पन्न कार्यक्रममा संस्थापक अध्यक्ष दिनेशकुमार विक, नेपाल नियमित रक्तदाता संघका केन्द्रीय उपाध्यक्ष लेखनाथ भण्डारी, क्लबका उपाध्यक्ष सन्दीप भुजेल र सचिव मोहनीलाल तिवारीले लगायतले बोलेका थिए ।