बालदिवसमा देवदह नगरपालिकाले वक्तृत्वकला प्रतियोगिता गर्ने

सेतोमसी
भाद्र २८, २०८१ शुक्रवार

बालदिवसमा देवदह नगरपालिकाले वक्तृत्वकला प्रतियोगिता गर्ने

अ +
अ
अ -

देवदह । देवदह नगरपालिकाले बालदिवसमा वक्तृत्वकला प्रतियोगिता गर्ने भएको छ । देवदह नगरपालिका र नगर बाल सञ्जालको निर्णयानुसार राष्ट्रिय बाल दिवस २०८१ को अवसरमा भदौ २९ शनिबार 'बालबालिकामा लगानी, सुनिश्चित भविष्यको थालनी' शिर्षकमा वक्तृत्वकला कार्यक्रम गर्न लागेको नगरपालिकाका शिक्षा अधिकृत पर्शुराम ढकालले जानकारी दिए ।

"देवदह नगर क्षेत्रमा माध्यमिक तह सञ्चालित सम्पूर्ण विद्यालयहरु सहभागी हुने गरि प्रतियोगिता आयोजना गरिएको छ ।" नगर बाल संजालका फोकल पर्सन समेत रहेका शिक्षा अधिकृत ढकालले भने, " प्रत्येक मा.वि. तह सञ्चालित विद्यालयबाट १/१ जना प्रतियोगी सहभागी हुनेछन् ।"

प्रतियोगितामा प्रथम, द्वितीय, तृतीय र सान्त्वनाको लागि क्रमशः रु. १० हजार, सात हजार, पाँच हजार र दुई हजार नगदसहित प्रमाणपत्र उपलब्ध गराउने नगरपालिकाले जनाएको छ ।

सहभागी सम्पूर्ण विद्यार्थीलाई सहभागीताको प्रमाणपत्र र यातायात खर्च समेत नगरपालिकाले उपलब्ध गराउने छ ।

प्रतियोगितामा सहभागीताको लागि शनिबार बिहान ९ बजेसम्म नाम दर्ता गराउन सकिने व्यवस्था मिलाइएको छ ।

५२ वटा शिक्षण संस्था रहेको देवदह नगरपालिका क्षेत्रभित्र मावि तहको अध्यापन हुने विद्यालयको संख्या २७ रहेको छ ।

साथै सोही दिन बिहान ७ बजे यशोधरा बाल उद्यान, देवदह-७ मा सरसफाई र पुष्परोपण कार्यक्रम तय गरिएको शिक्षा शाखाले जनाएको छ
।