आइपिएल सिजन- १४

हैदराबादलाई हराए संगै चेन्नई लिगको शिर्ष स्थानमा उक्लियो

सेतोमसी सहकर्मी

हैदराबादलाई हराए संगै चेन्नई लिगको शिर्ष स्थानमा उक्लियो

अ +
अ
अ -

१६ बैसाख एजेन्सी- इन्डियन प्रिमियर लिग (आईपीएल)मा चेन्नईले हैदराबादलाई हराएको छ । बुधबार भएको खेलमा हैदराबादलाई ७ विकेटले हराए संगै चेन्नई लिगको शिर्ष स्थानमा उक्लिएको छ ।

टस जितेर पहिले ब्याटिङ गरेको हैदराबादले निर्धारित २० ओभरमा ३ विकेट गुमाउँदै १७१ रन बनाएको थियो । हैदराबादका लागि डेभिड वार्नर र मनिस पाड्याले अर्धशतकीय पारी खेले ।

४६ बल खेलेका मनिसले ५ चौका र १ छक्काको सहयोगमा ६१ रनको योगदान गरे । त्यस्तै ५५ बल खेलेका वार्नरले ३ चौका र २ छक्काको सहयोगमा ५७ रन बनाए । त्यस्तै केन विलियमसनले २६ रनको योगदान गरे । बलिङतर्फ चेन्नईका लागि लुङ्गी एन्गिडीले २ विकेट लिए । त्यस्तै एक करणले एक विकेट लिए । खेल दिल्लीमा भएको थियो ।

हैदरावादले दिएको १७२ रनको लक्ष्य चेन्नईले १८ ओभर ३ बलमा ३ विकेट गुमाउँदै पूरा गर्यो । चेन्नईका लागि रितुराज गाइक्वाड र फाफ डू प्लेसिसले अर्धशतकीय पारी खेले ।

गाइक्वाडले १२ चौकाको सहयोगमा ७५ रन बनाए त्यस्तै डू प्लेसिसले ६ चौका र १ छक्काको सहयोगमा ५६ रन बनाए ।सुरेश रैनाले १७ रन बनाउँदा मोइन अली १५ र रविन्द्र जडेजाले ७ रन बनाए । बलिङतर्फ हैदरावादका रासिद खानले ३ विकेट लिए ।

६ खेल खेलेको चेन्नई पाँच खेलमा जित निकाल्दै अंक तालिकाको शिर्ष स्थानमा उक्लिएको छ भने समान खेल खेलेको हैदरावाद पाँच खेलमा हार व्यहोर्दै तालिकाको पुछारमा छ ।