त्रिदेशीय टी–ट्वान्टी क्रीकेट

नेपाल नेदरल्याण्ड्ससँग तीन विकेटले पराजित

सेतोमसी सहकर्मी

नेपाल नेदरल्याण्ड्ससँग तीन विकेटले पराजित

अ +
अ
अ -

०७ बैशाख काठमाडौ- त्रिदेशीय टी–ट्वान्टी अन्तर्राष्ट्रिय क्रिकेट सिरिज अन्तर्गत मंगलबार नेदरल्याण्ड्ससंग नेपाल ३ विकेटले पराजित भएको छ ।

कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ गरेको नेपालले निर्धारित २० ओभरमा ६ विकेटको क्षतिमा २०६ रन बनाएको थियो । नेपालले दिएको २०७ रनको बिशाल लक्ष्य नेदरल्याण्ड्सले १९.३ ओभरमा ७ विकेट गुमाएर पूरा गर्‍यो ।

नेपालका लागि कुशल भुर्तेल र दिपेन्द्र सिंह ऐरीले अर्धशतक प्रहार गरे । ४६ बलको सामना गरेका कुशलले ८ चौका र एक छक्काको मद्दतमा ६२ रन बनाएका थिए । ३० बल खेलेका दिपेन्द्रले तीन चौका र पाँच छक्कासहित ६० रन बनाए । यस्तै सोमपाल कामीले ‍२१, कप्तान ज्ञानेन्द्र मल्लले २०, कुशल मल्लले १८ र विनोद भण्डारीले ७ रन जोडेका थिए ।

नेदरल्याण्डसको लागि वास डी लिड र बेन कूपरले अर्धशतक बनाए । बनाउँदा लीडले नटआउट ८१ रन बनाए, कूपरले ५५ रन बनाए । यस्तै कप्तान पिटर सिलारले ३१ रनको योगदान दिए । नेपालका लागि बलिङतर्फ सन्दीप लामिछानेले चार तथा कुशल मल्ल, करण केसी र अभिनाश बोहराले एक–एक विकेट लिए पनि जितका लागि पर्याप्त हुन सकेन ।

यसअघि सिरिजको पहिलो खेलमा नेपालले नेदरल्याण्डसलाई हराएको थियो । नेपालले अन्तिम खेल बिहीबार मलेसियासंग खेल्नेछ । ३ खेल खेलेको नेदरल्याण्ड्स दुई जित संगै ४ अंक जोडेको छ ।
नेपालले पनि अहिलेसम्म २ खेल जितेर ४ अंक जोडेको छ । रन रेटको आधारमा भने नेपाल शीर्ष स्थानमा छ ।