रेशम अधिकारी, सुनवल । नवलपरासीमा एकैदिन तीन किशोरी हराएका छन् । जिल्लाको सुनवल नगरपालिका वडा नं. ७ सिसाहानी निवासी १८ बर्षिया सरिता मुसहर, १४ बर्षिया मंजु मुसहर, १३ बर्षिया अनु मूसहर शनिवार साँझ ६ बजेदेखी हराएका हुन् ।
अकस्मात छोरिहरू हराएपछी चिन्तित किशोरीका परिवारले आफ्ना छोरीहरू खोजिदिन आग्रह गरेका छन् ।
अन्दाजी ५ फिट उचाई र गहुँगोरो बर्ण भएकी सरिता मुसहरले कलेजी टप्स र निलो पाईन्ट लगाएको तथा टाउकोमा हेडविन लगाएको परिवारले जनाएको छ ।
त्यसैगरी मन्जु र अनु मुहसर अन्दाजी साढे ४ फिट गहुँगोरो बर्णका भएको परिवारले जनाएको छ । मन्जुले कालो र पहेलो कपडा लगाएको तथा अनुले सुन्तला रङको सुट लगाएका छन् ।
हराएका किशोरी मध्य सरिता कक्षा ९ सम्म पढेर पढाइ छोडेकी हुन भने मन्जु र अनु कक्षा ८ र ६ मा अध्ययनरत छात्रा हुन् ।
त्यसैगरी शनिबार साँझबाटै स्थानीय फ्याक्ट्रीमा काम गर्ने १ नेपाली सहित ३ भारतीय मजदुर समेत हराएको स्थानीयले जनाएका छन् ।
स्थानीय प्रहरीले घटनाबारे जानकारी प्राप्त भएको र खोजविन जारी रहेको जनाएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)