देवदह । इलाका प्रहरी कार्यालय बर्दघाटबाट खटिएको संयुक्त प्रहरी गस्ती टोलीले ठूलो परिमाणमा अवैध सामान बरामद गरेको छ ।
जिल्ला प्रहरी कार्यालय नवलपरासी (ब.सु.प.) तथा मातहतको टोलिले आइतबार राति करिब १०ः३० बजे बर्दघाट नगरपालिका-११ गैडहा स्थित भित्री सडक खण्डमा बाटो छेउमा लुकाइछिपाइ राखिएको अवस्थामा अवैध सामान फेला परेको हो ।
बरामद गरिएका सामानको अनुमानित मूल्य २७ लाख १९ हजार ९ सय ८४ रुपैयाँ रहेको प्रहरीले जनाएको छ । बरामद सामानमध्ये मोबाइलमा प्रयोग हुने टेम्पर ग्लास ४७ कार्टुन (२३ हजार ५ सय थान) तथा हुक्कामा प्रयोग गरिने फ्लेवर ३२ कार्टुन (९ सय ८४ प्याकेट) रहेका छन् ।
प्रहरीले उक्त सामान नियन्त्रणमा लिई आवश्यक कारबाहीका लागि महेशपुर भन्सार कार्यालय पठाउने प्रक्रिया अघि बढाइएको जनाएको छ । सामान कसले र कुन उद्देश्यले त्यहाँ राखेको हो भन्ने विषयमा अनुसन्धान भइरहेको प्रहरीले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
