सुनवल । सुनवल नगरपालिका वडा नं. ७ का नवनिर्वाचित वडाध्यक्ष नारायण प्रसाद आचार्यले पदभार ग्रहण गरेका छन्।
वैशाख ३० गते स्थानीय तहको निर्वाचनमा वडाध्यक्षमा निर्वाचित उनले वडा सदस्य तुलसी ज्ञवाली, गायत्री दर्जी, ओम प्रकाश चौधरी, लाल बहादुर थापा सहित सोमबार वडा कार्यालयमा पुगेर पदभार ग्रहण गरेका हुन् । 
पदभार सम्हाल्दै उनले वडाको पहिलो निर्णय वडाभित्र रहेका तीन सामुदायिक विद्यालय जनज्योति प्राविलाई, जनजागृति निमावि र ज्योति मावि गरि ४ वटा विद्यालयलाई अत्याधुनिक पानी फिल्टर हस्तान्तरण गर्ने र एक फिल्टर वडा कार्यलयमा राखी सेवाग्राहीलाई समेत शुद्ध पानी उपलब्ध गराउने बताएका छन् ।
आफूले वडाको विकासका लागि पाँच वर्षे गुरुयोजना तयार पारेको बताउँदै आचार्यले भने 'अबको पाँच वर्षमा यो वडालाई कस्तो बनाउने, कसरी विकास गर्ने मैले योजना बनाएको छु’ । उनले वडाभित्र विशेष गरी शिक्षा, स्वास्थ्य, र कृषि क्षेत्रको विकासमा जोड दिने बताए ।
सोही क्रममा वडा कार्यालयले निवर्तमान वडा अध्यक्ष र सदस्यलाई बिदाइ तथा नवनिर्वाचित वडाध्यक्ष तथा सदस्यहरुलाई स्वागत एवं सम्मान गरेको थियो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
