देवदह । सगरमाथा आवासीय माध्यमिक विद्यालय देवदह-७ को कक्षा १० मा अध्ययनरत विद्यार्थीका अभिभावक र शिक्षकबीच अन्तरक्रिया कार्यक्रम भएको छ ।
कार्यक्रममा प्राचार्य कृष्णप्रसाद पौडेलले आधुनिक समयका विद्यार्र्थीको सिकाइ शैली परम्परागत पुस्ताभन्दा फरक भएकाले घर र विद्यालयबीच प्रभावकारी समन्वय आवश्यक रहेको बताए । उनले विद्यार्थीको शैक्षिक उपलब्धि र व्यवहारिक विकासका लागि अभिभावक तथा शिक्षकबीच नियमित संवाद र सहकार्य अपरिहार्य रहेको उल्लेख गरे ।
अन्तरक्रियामा सहभागी अधिकांश अभिभावकले विद्यालयले सञ्चालन गरिरहेको प्रविधियुक्त शिक्षण प्रणालीको प्रशंसा गर्दै यसले विद्यार्थीको सिकाइलाई थप प्रभावकारी बनाएको धारणा व्यक्त गरेका थिए ।
कार्यक्रममा कक्षा १० का कक्षा शिक्षक सुरज पौडेल र विश्व पौडेलले विद्यार्थीहरूको शैक्षिक प्रगति, उपलब्धि तथा समग्र अवस्थाबारे अभिभावकहरुलाई जानकारी गराएका थिए ।
४० जना अभिभावकको सहभागिता रहेको कार्यक्रम विद्यालयका सह-प्राचार्य प्रदीप अधिकारीको सञ्चालनमा भएको हो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
