देवदह । रोटरी क्लब अफ देवदहले १२ हजार बढी विद्यार्थीको बाथ मुटु रोग परिक्षण गरेको छ । विगत नौ महिनादेखि देवदहमा रहेका विद्यालयमा अध्ययनरत विद्यार्थीहरूको निशुल्क मुटु परिक्षण गर्दै आएको रोटरीले २३ विद्यालयका १२ हजार ७१ जना विद्यार्थीको निशुल्क बाथ मुटु रोग परिक्षण गरेको हो ।
सेतोमसीसंग कुरा गर्दै क्लबका इलेक्ट प्रेसिडेन्ट विष्णु पाठकले देवदहका विद्यार्थीको निशुल्क बाथ मुटु रोग परिक्षण गरिएको बताए । सुरुवाती अवस्थामै समस्याहरू पत्ता लगाउँदा उपचारमा सहज हुने भएकोले क्लबले आफ्नै खर्चमा विद्यार्थीको मुटु परिक्षण गरेको उनले बताए ।
स्वास्थ्यमा समस्या देखिएका विद्यार्थीलाई देवदह मेडिकल कलेजमा थप परिक्षणको निशुल्क व्यवस्था समेत क्लबले मिलाएको छ । देवदहको केरवानी माध्यमिक विद्यालयबाट सुरू भएको परिक्षण प्रगति माध्यमिक विद्यालयमा पुग्दै गर्दा नौ महिना समय लागेको र यसबीचमा ५५८ जना विद्यार्थीमा स्वास्थ्य समस्या देखिएको क्लबले जनाएको छ ।
मंगलबार मात्रै प्रगति माविमा गरिएको ५०० जना विद्यार्थीको परिक्षणमा ३० जनामा समस्या देखिएको र उनीहरूको थप परिक्षणको व्यवस्था क्लबले मिलाएको जनाईएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
