देवदह महोत्सवमा सुरज बिरही रामदामको 'नफक्रेका फ़ूलहरु' बिमोचन

सेतोमसी
फाल्गुण ९, २०७९ मंगलवार

देवदह महोत्सवमा सुरज बिरही रामदामको 'नफक्रेका फ़ूलहरु' बिमोचन

अ +
अ
अ -

देवदह । रुपन्देहीको देवदह-९ भलुही निवासी साहित्यकार सुरज बिरही रामदामको पाँचौ कृती तथा पहिलो गीत संग्रह 'नफक्रेका फूलहरु' नामक पुस्तक बिमोचन भएको छ ।

फाल्गुण ६ गते देवदहमा संचालित सातौ राष्टिय औद्योगिक व्यापार मेला कृषी तथा पर्यटन महोत्सव २०७९ को बृहत कार्यक्रममा उद्योग व्यापार संघका अध्यक्ष मेघराज ढकाल, गायक तथा संगितकार तेजु अर्याल, उद्योग व्यापार संघका संस्थापक अध्यक्ष गोबिन्द ठडराई, गणेश कुमार खाती, केशर बहादुर पुन लगायतले संयुक्त रुपामा पुस्तकको बिमोचन गरेका हुन् ।

बिमोचित कृतिमा एक सय वटा गीत समावेश गरिएको छ। पुस्तकमा समाबेश गरिएको 'यति धेरै माया गर्छु' बोलको गित रेकर्ड समेत भैसकेको जनाइएको छ ।

बाल्यकालदेखीनै साहित्यमा रुचि राख्ने रामदामले विद्यार्थीकालिन अवस्थादेखि कलम चलाउन थालेका हुन् । रामदामको यो पाचौं कृति हो । यसअघि 'विछोडका वेदना' कविता सङ्ग्रह, मुग्लानीको कोशेली, अाँशुको ताल, खड्का सिंह रामदामको जीवनी प्रकाशित र 'अमुल्य माया' बोलको आधुनिक गित रेकर्ड समेत भैसकेको छ ।

बाग्लुङ्गको तित्याङस्थित सिगाना माध्यामिक विद्यालयबाट अध्ययन सकेर भारतको आन्ध्र प्रदेशमा २० वर्ष जागीरे जीवन बिताएका रामदामले जागीरसङ्गै अध्ययनलाई समेत निरन्तरता दिदै आएका छन् ।