देवदह । चापाकल चिन्ह लिएर रुपन्देही क्षेत्र नं. १ बाट प्रतिनिधी सभा सदस्य पदमा स्वतन्त्र उम्मेदवार बनेका अधिवक्ता टिकाराम चापागाईंले निर्वाचन जितेर ५ बर्षसम्म जनतालाई अनुहार नदेखाउँने नेतालाई बहिस्कार गर्नुपर्ने बताएका छ्न् ।
देवदहमा भएको चुनावी कार्यक्रममा बोल्दै उनले जनताको प्रतिनिधि जनताको सुखदुःखमा काम लाग्नुपर्ने बताए । "यस क्षेत्रको विकास तथा हरेक सुखदुःखमा म जनतासंगै हुनेछु।" उनले भने, "मैले चुनाव जितेपछि यसै क्षेत्रमा सचिवलयको कार्यालय स्थापना गरेर जनताको समस्या समाधान गर्नेछु।"
सोही क्रममा उनले सामाजिक रुपान्तरणका लागि आफ्नो उम्मेदवारी रहेको बताए । घरदैलो अभियानमा मतदाताले व्यक्त गरेका अभिव्यक्तिले आफ्नो जित सुनिश्चित रहेको दावी गर्दै उनले स्वास्थ्य, शिक्षा, कृषि, पर्यटन, खेलकुद, भौतिक तथा पूर्वाधार विकास साथै युवा व्यवस्थापन र रोजगारमा आफुले विशेष ध्यान दिने प्रतिबद्धता जनाए ।
टिकाराम चापागाइ रुपन्देही क्षेत्र नम्वर १ का प्रतिनिधी सभा चापाकल चिन्हका स्वतन्त्र उम्मेदवार हुन उनी संगै एमालेका छविलाल बिश्वकर्मा र गठबन्धनका घन्श्याम भुसाल चुनावी मैदानमा छन् ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
