मुगु । मुगुको छायाँनाथ रारा नगरपालिका-५, कार्कीवाडामा खुडा प्रहार गरी ७५ वर्षीय धनबिर कामीको हत्या गरेको आरोपमा एक जना पक्राउ परेका छन् ।
प्रहरीका अनुसार मंगलबार बिहान करिब ८: २० बजे सोही स्थानका ३२ वर्षीय अजबिर कामीले धनबिरमाथि धारिलो हतियार खुडा प्रहार गरेका थिए । गम्भीर घाइते भएका धनबिरलाई उपचारका लागि जिल्ला अस्पताल मुगु लगिएकोमा चिकित्सकले मृत घोषणा गरेका थिए ।
घटनापछि फरार भएका अजबिरको खोजीमा जिल्ला प्रहरी कार्यालय मुगुबाट प्रहरी नायब उपरीक्षक रविराज थपलियाको नेतृत्वमा प्रहरी टोली परिचालन भएको थियो ।
प्रहरी टोलीले बिहान करिब ९: ३० बजे छायाँनाथ रारा नगरपालिका–३ स्थित रारा ताल जाने जंगलमा भागिरहेको अवस्थामा उनलाई खुडासहित नियन्त्रणमा लिएको हो । घटनाबारे थप अनुसन्धान भइरहेको जिल्ला प्रहरीले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
