म्याग्दी । म्याग्दीको अन्नपूर्ण गाउँपालिका-३ फगाममा अविरल वर्षाका कारण पहिरो खस्दा एक घर पुरिएको छ । पहिरोमा परी एक जनाको मृत्यु भएको छ भने एक जना बेपत्ता भएकी छन् ।
आइतबार बिहान करिब ९: ३० बजे माथिबाट पहिरो खस्दा गंगाबहादुर पाइजाको घर पुरिएको हो । घरमा रहेका चार जनामध्ये ७५ वर्षीया शिलकुमारी गर्बुजाको शव बिहान ११: ३० बजे फेला परेको थियो ।
सोही घटनामा ५४ वर्षीया योमाया पुर्जा बेपत्ता भएकी छन् । घरका अन्य सदस्य भने सकुशल रहेको जनाइएको छ । उद्धारका लागि इलाका प्रहरी कार्यालय दाना, म्याग्दीबाट प्रहरी सहायक निरीक्षक जुद्धबहादुर थापाको नेतृत्वमा तीन जनाको प्रहरी टोली घटनास्थलतर्फ खटिएको छ । टोलीले उद्धार तथा बेपत्ताको खोजी गरिरहेको जनाइएको छ ।
घटनास्थल इलाका प्रहरी कार्यालय दानाबाट करिब ८ किलोमिटर उत्तरमा पर्छ । घटनाको थप विवरण आउन बाँकी रहेको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
