तनहुँ । पृथ्वी राजमार्गअन्तर्गत तनहुँको व्यास नगरपालिका–१२ घाँसीकुवामा ट्रक दुर्घटना हुँदा चालकको मृत्यु भएको छ भने सहचालक गम्भीर घाइते भएका छन् ।
सोमबार दिउँसो १२:०५ बजे डुम्रेबाट दमौलीतर्फ सिमेन्ट लिएर आउँदै गरेको लु २ ख १५४ नम्बरको ट्रक चालकले नियन्त्रण गुमाउँदा सडकबाट करिब २० मिटर तल खसेको थियो ।
दुर्घटनामा घाइते भएका चालक र सहचालकलाई उपचारका लागि प्रदेश अस्पताल दमौली लगिएको थियो । उपचारका क्रममा धादिङको सिद्धलेक गाउँपालिका–६ निवासी करिब ३० वर्षीय चालक सञ्जीव मगरलाई दिउँसो १२:४५ बजे चिकित्सकले मृत घोषणा गरेका थिए ।
दुर्घटनामा सोही ठाउँका २२ वर्षीय सहचालक प्रदीप विक गम्भीर घाइते भएका छन्। उनको प्रदेश अस्पताल दमौलीमा उपचार भइरहेको छ ।
दुर्घटनाबारे थप अनुसन्धान भइरहेको प्रहरीले जनाएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
.gif)