कोरोना महामारी

मास्क लिएर संक्रमितको घर-घरमै पुग्छन् सुनवल नगरपालिकाका मेयर थापा

रेशम अधिकारी
बैशाख २४, २०७८ शुक्रवार

मास्क लिएर संक्रमितको घर-घरमै पुग्छन् सुनवल नगरपालिकाका मेयर थापा

अ +
अ
अ -

रेशम अधिकारी, सुनवल । कोरोनाभाइरस सङ्क्रमणको महामारीले अहिले पूरै विश्वलाई आक्रान्त बनाएको अवस्थामा सुनवल नगरपालिकाका मेयर भिम बहादुर थापा शुक्रबार आफ्नो वडाका कोरोना संक्रमितको घरघरै पुगेका छन् ।

घरै आइसोलेट भएका बिरामीलाई भेटेरै परिवारलाई मास्क हस्तान्तरण गर्दै, स्वास्थ अवस्था बुझ्न्, र मनोबल बढाउन भन्दै उनी संक्रमितको घर-घर पुगेका हुन् ।

त्यसक्रममा संक्रमितहरुसंग प्रत्यक्ष कुराकानी गर्दै स्वास्थ अवस्था कस्तो छ ? घरमै आइसोलेसनमा बस्दा के समस्या छ ? कस्तो औषधि सेबन गरिरहेका छन । स्वाथ्यकर्मीले नीगरानीमा राखेका छन् या छैनन् ? लगायतका विषयम बिरामीसँग बुझे ।

उनी आफै पनि पहिलो चरणको कोरोना लहरमा संक्रमित भएको अनुभव सुनाउँदै होम आइसालेसनमा बसेको अनुभव र घरेलु औषधि गुर्जो, बेसार, कागती, बोझो, मह, तुलसीको पातजस्ता घरमा पाइने जडिबुटी सेवन गरेर शरीर स्वस्थ्य हुने उनले बताए ।

कोरोना संक्रमितका घर घरमै गएर मेयरले स्वास्थ्य अवस्था सोधपुछ गर्दा आफुले आफुलाई स्थानीय सरकारको साथ छ भन्ने महसुस गरेको सुनवल नगरपालिका ७ का संक्रमित पुरुषले बताए ।

सुनवल नगरपालिकाले नगरवासीकालागी १० बेडको आइसीयु सहितको अस्पताल बनाउने काम समेत तीब्र रूपमा भैरहेको जानकारी दिएको छ ।