काठमाडौँ । श्रीलंकामा पानीको विषयलाई लिएर दुई खेलाडीबीच भएको विवादमा चोट लागेका ६२ वर्षीय क्रिकेट प्रशिक्षक सुमिथ फर्नान्डोको मृत्यु भएको छ । घटना अगस्ट ८ मा भएको भए पनि यसबारेको जानकारी बिहीबार सार्वजनिक भएको हो ।
प्राप्त विवरणअनुसार एक खेलका क्रममा दुई खेलाडीबीच पानीको विषयमा विवाद भएको थियो । सोही क्रममा प्रशिक्षक फर्नान्डोलाई चोट लागेको थियो । उनलाई उपचारका लागि अस्पताल लगिएको थियो । उपचारकै क्रममा अगस्ट ११ मा उनको मृत्यु भएको हो ।
फर्नान्डो श्रीलंकाका पूर्व क्रिकेट कप्तान कुसल मेन्डिसलाई विद्यालय तहमा प्रशिक्षण दिने प्रशिक्षकसमेत थिए । घटनामा प्रहरीले १७ वर्षीय एक विद्यालयका खेलाडीलाई पक्राउ गरेको छ । पक्राउ परेका खेलाडीलाई कोलम्बोस्थित अदालतमा पेस गरिएको थियो । अदालतले उनलाई अगस्ट १७ सम्म बाल निगरानीमा राख्न आदेश दिएको छ ।
फर्नान्डो कोलम्बोको बाहिरी क्षेत्र मोरातुवास्थित प्रिन्स अफ वेल्स कलेजका पूर्व प्रशिक्षक थिए । उनी ब्लुमफिल्ड क्रिकेट एन्ड एथलेटिक क्लबका मैदान व्यवस्थापकसमेत रहेका थिए । उक्त क्लबले श्रीलंकाको प्रथम श्रेणी क्रिकेट प्रतियोगितामा खेल्दै आएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
