देवदह । रुपन्देहीको देवदहमा रुखको हाँगाले लागेर एक युवाको को ज्यान गएको छ । स्थानीय पाल्पाली सामुदायिक वनमा रुख कटान गर्ने क्रममा रुखको हाँगाले लागेर देवदह-६ केउलीका ३९ बर्षिय हेम बहादुर घर्तीको मृत्यु भएको देवदह प्रहरी चौकीका प्रमुख इन्सपेक्टर भिमसेन विष्टले बताए ।
सामुदायिक वनमा पुनरोत्पादन कटान अन्तर्गत खडा रुख काटिरहेको बेला विहान ९ः३० बजे अवलोकनका लागि गएका घर्ती रुखको हाँगाले लागेर घाईते भएपछि उनलाई उपचारको लागि स्थानीय देवदह मेडिकल कलेज पुर्याइएको थियो ।
समूहको कटान मुछान तथा नापजाँच समितिको सदस्य रहेका घर्तीलाई कटान भइरहेको स्थानमा अनुगमनको लागि पुगेका बेला कटान गरिएको रुखको हाँगाले लागेको सामुदायिक वनका अध्यक्ष सरोज थापाले जानकारी दिए । शरिरको पछाडीको भागमा चोट लागेकाले तत्काल उद्धार गरि मेडिकल कलेज पुर्याईए पनि ज्यान जोगाउन नसकिएको अध्यक्ष थापाले बताए ।
मेडिकल कलेजले मृत घोषणा गरे पश्चात मृतक घर्तीको शव पोष्ट मार्टमको लागि लुम्बिनी प्रादेशिक अस्पताल बुटवल लगिएको प्रहरीले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
