देवदह । देवदह प्रिमियर लिग (डिपिएल) सिजन -२ अन्तर्गत आज (सोमवार) दुई खेल हुँदैछन् । पहिलो खेलमा खैरेनी ग्लाडियटर्सले टटेरा डाईनामाईटको सामना गर्नेछ भने दोस्रो खेलमा पाकडी प्यान्थर्स र ढेकावर योद्धा भिड्नेछन् ।
आजका खेल बिहान १० बजेदेखि देवदह क्रिकेट युनिटको ग्राउन्डमा संचालन हुने आयोजक संस्था डि-युनिटी युथ क्लबका अध्यक्ष सचिन कुमार श्रेष्ठले जनाएका छन् ।
असोज ३१ गतेसम्म संचालन हुने प्रतियोगितामा प्रथम हुने टिमले नगद १ लाख रुपैंयासहित ट्रफी, मेडल र प्रमाणपत्र प्राप्त गर्नेछ । यस्तै उपविजेता टोलीले नगद ५० हजार सहित ट्रफी, मेडल र प्रमाणपत्र प्राप्त गर्ने खेल संयोजक गोपाल भण्डारीले जानकारी दिए ।
त्यसैगरी उत्कृष्ट ब्याट्सम्यान, उत्कृष्ट बलर, म्यान अफ द म्याच, म्यान अफ द सिरिज लगायतका विधामा पनी नगद सहित पुरस्कृत गरिने आयोजकले जनाएको छ ।
यसपटकको डिपिएलमा पहिलो संस्करणको विजेता पाकडी प्यान्थर्स, उपविजेता शीतलनगर सुपर स्टाईकर्स, ढेकावर योद्धा, खैरेनी ग्लाडियटर्स, टटेरा डाईनामाईट र भवानीपुर रोयल्सले फ्रेन्चाईजी प्राप्त गरेका छन् ।
आइतवार सम्पन्न दुई खेलमा पाकडी र ढेकावर विजयी भएका थिए ।
प्रतियोगिताका सबै खेल सेतोमसी डटकमबाट प्रत्यक्ष प्रसारण हुनेछन् ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
