देवदह । देवदह प्रिमियर लिग (डिपिएल) को २५औँ खेलमा खैरेनी ग्लाडिएटर्सले भलुही राइजिङलाई ६ विकेटले पराजित गरेको छ ।
देवदह क्रिकेट युनिटको मैदानमा बिहीबार भएको खेलमा भलुहीले दिएको १४१ रनको लक्ष्य खैरेनीले १४.५ ओभरमा ४ विकेट गुमाएर पूरा गर्यो ।
खैरेनीको जितमा अनिल यादवले विस्फोटक ब्याटिङ गर्दै २१ बलमा ६७ रन बनाए । उनले ९ छक्का र २ चौका प्रहार गरे । त्यस्तै सहजाद आलमले २६ रन र सुरज सारुले २६ रनको योगदान दिए ।
भलुहीका शिवकुमार मौर्यले २ तथा गोविन्द थारु र मनिष अर्यालले १–१ विकेट लिए ।
यसअघि टस जितेर पहिले ब्याटिङ गरेको भलुही राइजिङले निर्धारित २० ओभरमा ९ विकेट गुमाएर १४० रन बनाएको थियो । भलुहीका महेश रानाले ४५ बलमा ५५ रन बनाए । उनले ३ चौका र २ छक्का प्रहार गरे । गोविन्द थारुले २५ बलमा ४४ रन जोडे । उनले ५ छक्का र १ चौका प्रहार गरे ।
खैरेनीका रुपेश कुर्मीले ४ ओभरमा ३७ रन खर्चेर ५ विकेट लिए । अनिल यादवले ४ ओभरमा ३५ रन दिँदै ४ विकेट लिए ।
खेलमा उत्कृष्ट बलिङ गरेका रुपेश कुर्मी र विस्फोटक ब्याटिङ गरेका अनिल यादव खैरेनीको जितका मुख्य आधार बने ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
.gif)