काठमाडौँ । गृहमन्त्री रमेश लेखकले प्रहरीको सरुवा प्रक्रिया सामान्य नियमित प्रक्रिया भएको बताएका छन् । बिहीबार राष्ट्रिय सभा अन्तर्गतको विकास, आर्थिक मामिला तथा सुशासन समितिले राखेको सुशासन प्रवर्धनका लागि ‘राष्ट्रिय सदाचार नीति’को आवश्यकता विषयक छलफलका क्रममा उनले कर्मचारी सरुवा निरन्तरताको प्रक्रिया भएको बताए ।
नेकपा एकीकृत समाजवादीका सांसद घनश्याम रिजालले मन्त्री भएर आउनासाथ समय नपुग्दै प्रहरीको सरुवा गरेको विषयमा उठाएको प्रश्नमा लेखकले भने,‘सरुवाको कुरा गर्नुभयो, कर्मचारीको सरुवा हुन्छ । बढुवा पनि हुन्छ । निरन्तरको प्रक्रिया हो । कहिलेकाहीँ अवधि पनि तोकेको हुन्छ, यति अवधि है भनेर । तर कहिलेकाहीँ अवधिभन्दा अगाडि पनि हुन्छ । जहाँसम्म यहाँले जुन पदको सरुवाको कुरा गर्नुभएको छ, उहाँ अत्यन्तै योग्य मानिस र योग्यतम ठाउँमा पुग्नुभएको छ । किनभने प्रहरीलाई तालिम दिने ठाउँमा त सबैभन्दा पढेलेखेका मानिस चाहियो, प्रहरीलाई राम्रो तालिम दिन राम्रो मान्छे पठाउँदा के समस्या भयो ?’
उनले प्रहरी सरुवालाई सामान्य रूपमा लिइदिनका लागि आग्रह गरे ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
