सन्तोष सुनार, प्यूठान । प्यूठानको ऐरावती गाउँपालिका वडा नं. ४ तिल्केनीमा वर्षाको कारण विस्थापित ६ घर परिवारलाई जिल्ला प्रशासन कार्यालय प्यूठानले अनुगमन गरी राहत सामाग्री वितरण गरेको छ । मंगलबार तिल्केनीमा वर्षातको कारण घरहरुमा जोखिम रहि विस्थापित भएका परिवारबारे बुझ्न गएको टोलीले राहत सामग्री हस्तान्तरण गरेको हो ।
अविरल वर्षापछि डाँडाको माथिल्लो भागबाट खोल्सा हुँदै पानी, माटो, लेदो, ढुँगा, काठ बग्दै बस्तीमा पसेर जोखिम बढाएको प्रजिअ अर्यालले बताए ।
प्रभावित पविारलाई रेडक्रसको समन्वयमा बस्न र पकाउनको लागि आवश्यक सामग्री वितरण गरिएको छ ।
अनुगमनमा प्रमुख जिल्ला अधिकारी नारायण प्रसाद अर्याल, ऐरावति गाउँपालिकाका अध्यक्ष, नेपाल रेडक्रस सोसाइटी, पत्रकार लगायतको उपस्थिति रहेको थियो ।
विस्थापित भएका ६ घर परिवार मध्ये दुई परिवार छिमेकीको खाली घरमा बस्दै आएका छन् भने ४ परिवार नजिकको समाज कल्याण प्राथामिक विद्यालयमा बसेका छन् ।
वर्षाको समयमा निकै जोखिम देखिएकोले उक्त स्थान बस्न योग्य ठाउँ हो या होइन भन्ने विषयमा विज्ञसंग छलफल भइरहेको जिल्ला प्रशासन कार्यालय प्यूठानले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
