बुटवलमा राष्ट्रपति रनिङ सिल्ड हुँदै, ४२ विद्यालयका एक हजार ४२२ विद्यार्थी सहभागी हुने

सेतोमसी
माघ २, २०८० मंगलवार

बुटवलमा राष्ट्रपति रनिङ सिल्ड हुँदै, ४२ विद्यालयका एक हजार ४२२ विद्यार्थी सहभागी हुने

अ +
अ
अ -

बुटवल । बुटवलमा राष्ट्रपति रनिङ सिल्ड प्रतियोगिता हुने भएको छ । मंगलबार बुटवलमा पत्रकार सम्मेलन गर्दै बुटवल उपमहानगरपालिकाले माघ ४ देखि ६ गतेसम्म पाचौं राष्ट्रपति रनिङ सिल्ड प्रतियोगिता गर्ने जनाएको हो ।

पत्रकार सम्मेलनमा बोल्दै नगर खेलकुद विकास समितिका संयोजक बोनिन पियाले बुटवल क्षेत्रलाई खेलकुदको केन्द्रको रूपमा विकास गराउने उद्धेश्यले प्रतियोगिता आयोजना गरिएको बताए । बुटवल-११ देवीनगरस्थित एन्फा टेक्निकल सेन्टरमा हुने प्रतियोगिताको सम्पूर्ण तयारी पुरा भएको उल्लेख गर्दै उनले प्रतियोगितामा १७ विधाका ५४ खेल हुने बताए ।

प्रतियोगितामा बुटवलका २१ सामुदायिक र २१ संस्थागत गरि ४२ विद्यालयका १ हजार ४२२ जना विद्यार्थी सहभागी हुने जनाईएको छ ।

प्रतियोगितामा सहभागी विद्यार्थीहरूको दुर्घटना विमा गरिएको जानकारी दिंदै संयोजक पियाले प्रथम, द्धितिय र तृतीय हुनेलाई क्रमश: २५ हजार, १७ हजार ५०० र १० हजार नगद पुरस्कार र प्रमाण पत्र प्रदान गरिनेछ ।

पत्रकार सम्मेलनमा बोल्दै बुटवल उपमहानगरपालिकाका नगर प्रमुख खेलराज पाण्डेयले खेलकुदको प्रवर्धनमा रनिङ सिल्डले महत्वपुर्ण योगदान पुर्याउने बताए । बुटवलले आयोजना गर्ने रनिङ सिल्ड लुम्बिनी प्रदेशकै सबैभन्दा ठूलो राशिको प्रतियोगिता भएको उल्लेख गर्दै उनले खेलकुदलाई प्राथमिकतामा राखेर राष्ट्रियस्तरका खेलाडी उत्पादन गर्ने काम गरिरहेको दावी गरे ।