सेतोमसी सहकर्मी
सुमन गाहा, पाल्पा । जिल्लाको रिब्दीकोट गाउँपालिका वडा नं.२ लघुवामा आइतबार दिउँसो तम्घास तर्फ जाँदै गरेको बा. ४ ख ७३२० नम्बरको ट्रिपर र सोही दिशातर्फ गईरहेको प्रदेश ३–००१ क ०२५० नम्बरको दुई वटा ट्रिपर आपसमा ठोक्किदा एक जनाको मृत्यु भएको छ भने चार जना घाइते भएका छन् ।
ट्रिपर दुर्घटनामा परी गुल्मी जिल्ला रुरु गाउँपालिका–२, का ४५ वर्षीय टंकबहादुर कुँवरको मृत्यु भएको जिल्ला प्रहरी कार्यालय पाल्पाले जनाएको छ । ट्रिपर दुर्घटनामा गुल्मी जिल्ला रुरु गाउँपालिका–२, बस्ने ३८ वर्षका अशोक कुँवर, सोही स्थानका ४२ वर्षीया रमा कुँवर, ललितपुर जिल्लाका २६ वर्षीय राजेन्द्र बजगाई र नवलपरासी जिल्ला सुनवल–९, बस्ने २२ वर्षका किसन कुँवर घाइते भएका छन् ।
घाइते अधिकांशको अवस्था मध्यम् रहेको छ । घाइते चारै जनाको उपचार अहिले तानसेन स्थित मिसन अस्पतालमा उपचार भईरहेको छ ।
ट्रिपर सडकदेखि २०० मीटर तल खसेको थियो । सिमेन्ट लिएर गुल्मी तर्फ जाँदै ट्रिपर अनियन्त्रित भई दुर्घटनामा परेको जिल्ला प्रहरी कार्यालय पाल्पाका सूचना अधिकारी रामेश्वर त्वातीले जानकारी दिए ।
दुर्घटनाको विषयमा प्रहरीले थप अनुसन्धान जारी राखेको जनाएको छ ।
सेतोमसी सहकर्मी
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
