पत्रकार र नगरपालिका कर्मचारीबीचको मैत्रीपुर्ण खेलमा कर्मचारी टिम विजयी

सेतोमसी
फाल्गुण १३, २०७९ शनिवार

पत्रकार र नगरपालिका कर्मचारीबीचको मैत्रीपुर्ण खेलमा कर्मचारी टिम विजयी

फाइल फोटो

अ +
अ
अ -

देवदह । नेपाल मगर युवा संघ देवदह नगर समितिले ४१ औं मगर एकता दिवसको अवसरमा आयोजना गरेको पुरुष भलिबल प्रतियोगिताको उद्घाटन खेलमा देवदह नगरपालिकाको कर्मचारी समूह विजयी भएको छ ।

देवदह नगरपालिकाका कर्मचारी र स्थानीय पत्रकारबीच भएको मैत्रीपुर्ण भलिबल प्रतियोगितामा देवदह नगरपालिका कर्मचारी समूह विजयी भएको हो ।

कर्मचारी टिमले २५, १२, २५, २१ र १५,५ गरि ३ सेटमा विजयी भइ पत्रकार समूहलाई पराजित गरेको हो।

प्रतियोगिताको उद्घाटन गर्दै देवदह नगरपालिकाका नगर प्रमुख धुब्र प्रसाद खरेलले खेलकुदको क्षेत्रबाट खेलाडीले राष्ट्रिय तथा अन्तर्राष्ट्रिय स्तरमा देशको नाम रोशन गरेको बताए । खेलकुद क्षेत्रको विकासका लागि नगरपालिका सकारात्मक रहेको समेत नगरप्रमुख खरेलको भनाई थियो।

फाल्गुन १४ गते बिहान ९ बजेदेखी खेल नियमित रुपमा संचालन खेल संयोजक ओम प्रकाश पुनले जानकारी दिए । प्रतियोगितामा प्रथम हुने टिमले ३३ हजार नगदसहित शिल्ड र मेडल, द्धितिय हुने टिमले २२ हजार नगद, शिल्ड, मेडल, तृतीय हुने टिमले १२ हजार नगदसहित, शिल्ड, मेडल र सान्त्वना हुने टिमले ५ हजार नगद सहित प्रमाणपत्र प्राप्त गर्नेछन् ।

मगर एकता दिवसको अवसरमा आयोजित 'बी' लेभल भलिबल प्रतियोगितामा २० वटा समूहको सहभागीता रहेको छ।