देवदह । रूपन्देहीको देवदहमा सञ्चालित ९औंं राष्ट्रिय देवदह औद्योगिक व्यापार मेला, कृषि तथा पर्यटन महोत्सवमा अन्तर वडास्तरीय भलिवल प्रतियोगिता हुने भएको छ । महोत्सव स्थलमा आज माघ १५ गते देखि १८ गते सम्म अन्तर वडास्तरीय भलिवल प्रतियोगिता हुने खेलकुद तथा अतिरिक्त क्रियाकलाप उपसमितिका संयोजक खेमराज चापागाईले जानकारी दिए ।
देवदहका सबै वडाको सहभागिता हुने प्रतियोगितामा विजेताले नगद ३० हजार ट्रफी, उपविजेता टिमले नगद २० हजार ट्रफी र तृतिय टिमले नगद १० हजार र ट्रफी प्राप्त गर्ने संयोजक चापागाईले बताए ।
यसैगरी माघ १८ गतेदेखि २० गतेसम्म अन्तर टोलस्तरीय डोरी तान्ने प्रतियोगिता समेत आयोजना गरिएको छ । महोत्सव स्थलमा हुने डोरी तान्ने प्रतियोगितामा नगरका टोल विकास संस्थाहरुको सहभागिता रहने संयोजक चापागाईंले जानकारी दिए । अन्तर टोलस्तरीय डोरी तान्ने प्रतियोगितका विजेताले नगद १५ हजार ट्रफी, उपविजेताले नगद १० हजार ट्रफी र तृतिय हुने टिमले नगद ५ हजार र ट्रफी प्राप्त गर्ने जनाइएको छ । दुबै प्रतियोगिताको लागि तिन लाख पचास हजार भन्दा बढी खर्च अनुमान गरिएको संयोजक चापागाईंले बताए ।
महोत्सवको अवसरमा भेन्ट्रास, आयोजक र पत्रकारहरु वीच मैत्रीपूर्ण खेल हुने संयोजक चापागाईले जानकारी दिए ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
