राहुल सापकोटा, देवदह । राष्ट्रिय युवा संघ नेपाल देवदहले राहत वितरण अभियान संचालन गर्ने भएको छ । आज एक पत्रकार भेटघाट कार्यक्रमको आयोजना गरि युवा संघ यस्तो बताएको हो ।
"हुनेले दिऔं, नहुनेले लिऔं" भन्ने नारा सहित विशुद्ध मानवसेवा गर्ने उद्देश्यले उक्त अभियान संचालन गर्न लागिएको राष्ट्रिय युवासंघका केन्द्रिय सदस्य, रुपन्देही उपाध्यक्ष तथा राहत वितरण अभियान देवदहका संयोजक विकास गहतराजले बताए ।
साथै, राहत संकलन तथा वितरणका लागि देवदहका हरेक वडामा छुट्टाछुट्टै संयोजक समेत तोकेर महामारी अवधिभर उक्त अभियान चलाईने राष्ट्रिय युवासंघले जनाएको छ । जसका लागि वडा १ र २ मा कुमार तामाङ, वडा ३ र ४ मा सुरज तिवारी, वडा ५ मा सन्तोष घले, वडा ६ मा मिठु गिरि, वडा ७ र ८ मा चन्द्रकान्त खरेल (ध्रुव), ९ र १० मा विश्वास गुरुङ्ग र वडा ११ र १२ मा अजय रोतियालाई संयोजक तोकीएको छ ।
साथै, श्रद्धा केसी, हरिनारायण कंहर, मधु श्रेष्ठ, विपिन वि.क र रमेश खरेललाई कार्यक्रमको व्यवस्थापक समेत तोकिएको कार्यक्रम संयोजक विकास गहतराजले बताए ।
पत्रकार सम्मेलनमा एमाले नेताहरु प्रकाश अर्याल, विद्यालक्ष्मी गुरुङ्ग तथा युवा संघका नेता कृष्णराज पौडेल लगाएतको उपस्थिती रहेको थियो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
