काठमाडौं । आकर्षक तलबको प्रलोभन देखाउँदै विभिन्न देश पठाइदिने भन्दै रकम ठगी गरेको आरोपमा प्रहरीले पाँच जनालाई पक्राउ गरेको छ ।
पक्राउ पर्नेमा धादिङकी २० वर्षीया आशिका सिम्खडा, उदयपुरका ४६ वर्षीय विष्णु खत्री, सिन्धुलीका ३५ वर्षीय दिनेश पाख्रेन तामाङ, गोरखाका ३८ वर्षीय राजेश बराम र ४८ वर्षीय छिरिङ शेर्पा रहेका छन् ।
प्रहरीका अनुसार आशिकाले बेलायत पठाइदिने भन्दै ७ लाख ५० हजार, विष्णुले माल्टा पठाइदिने भन्दै ६ लाख, दिनेशले संयुक्त अरब इमिरेट्स पठाइदिने भन्दै २ लाख, राजेशले सिंगापुर पठाइदिने भन्दै दुई जनाबाट १५ लाख ५० हजार र छिरिङले क्यानडा पठाइदिने भन्दै दुई जनाबाट ७ लाख ४० हजार रुपैयाँ लिएका थिए। रकम लिएपछि उनीहरू सम्पर्कविहीन भएको भन्दै पीडितले उजुरी दिएका थिए।
काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले आशिकालाई काठमाडौं महानगरपालिका–१६, विष्णुलाई वडा नम्बर ३२, दिनेशलाई वडा नम्बर १२, राजेशलाई वडा नम्बर ६ र छिरिङलाई गोकर्णेश्वर नगरपालिका–३ बाट पक्राउ गरेको हो।
पक्राउ परेका पाँचै जनालाई थप अनुसन्धान तथा आवश्यक कारबाहीका लागि वैदेशिक रोजगार विभाग, ताहाचल पठाइएको प्रहरीले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
