स्वास्थकर्मीकाे टाेलीसहित जनप्रतिनिधि गाउँमा

सेतोमसी सहकर्मी

स्वास्थकर्मीकाे टाेलीसहित जनप्रतिनिधि गाउँमा

अ +
अ
अ -

कृष्ण अन्जान, गुल्मी । जिल्लाको रुरुक्षेत्र गाउँपालिका वडा नं. १ का जनप्रतिनिधिहरु रुरु स्वास्थ केन्द्रका टाेलि सहित स्थानीय च्यूरेकमा पुगेर स्वास्थसेवा अन्तर्गत काेभिड विरुद्धकाे बुस्टर खाेप कार्यक्रम संचालन गरेका छन ।

वडा न १ का वडाध्यक्ष नवराज विक,वडा सदस्य घनस्याम ज्ञवाली, रिडीका युवाहरु चिरन्जिवि ज्ञवाली, प्रेम भण्डारी सहितकाे टाेलिले शनिवार स्वस्थकर्मिहरु सहित च्यूरेककाे ठुलापाेखरामा खाेप कार्यक्रममा सहभागी भए ।

काेभिड विरुद्धको बुस्टर खाेपबाट छुटेका करिब दुईदर्जन नागरिकले घर आँगनमै काेभिड बिरुद्धकाे बुस्टर खाेप लगाउन पाएपछि खुशि देखिएका छन ।

"गाउँका जनतालाई स्वास्थ केन्द्र नहुदा स्वास्थ सेवालिन रिडी वा थानपतीकाे काेट पुग्नु पर्ने वाध्यता छ । यसरी गाउँमै स्वास्थ सेवा दिने हाे भने सजिलाे हुन्छ । बुढापाकाले दुख पाउँदैनन्" च्यूरेक ठुलापाेखराका युवराज ज्ञवालीले भने ।

यसअघिका जनप्रतिनिधिहरुसँग प्राथमिक स्वास्थ्य केन्द्रकाे माग गरिनुका साथै दर्जनौं पटक मिडिया मार्फत गुहारे पनि सम्बन्धित निकायले नसुनेझै गरेकाे स्थानीयको गुनासाे छ ।

"हामीले याे कुरा महशुस गरेका छौँ । जनसमुदायले घरदैलाेमै स्वास्थ सेवा पाउनु पर्छ । प्राथमिक स्वास्थ केन्द्र च्यूरेकमा रहनु पर्छ । यसका लागि आवस्यक पहल भईरहेकाे छ र प्राथमिक स्वास्थ केन्द्र नबनुन्जेल साप्ताहिक स्वास्थ परिक्षणकाे काम च्यूरेकबाटै गर्ने व्यवस्था हुँदैछ ।" वडाध्यक्ष विकले भने ।

यसैपनि गाउँबाट युवाशक्ति पलायन भएका छन गाउँ बृद्ध अवस्थका बा आमाले कुरिरहेकाे अवस्थामा घरदैलो मै स्वास्थ्यसेवा दिईनु अब आवस्यक भैसकेको छ ।