देवदह । कृषिको विकासबाट मात्रै देश समृद्ध बन्न सक्ने नेकपा एमाले रुपन्देही–१ का उम्मेदवार दधिराम न्यौपानेले बताएका छन् । उनले कृषिको विकासका लागि सिँचाइ, उन्नत बीउ–बिजन समयमै उपलब्ध गराउन पहल गर्ने प्रतिबद्धता व्यक्त गरे ।
रुपन्देहीको ओमसतिया गाउँपालिका–४, ५ र ६ मा घरदैलो तथा मतदाता भेटघाटका क्रममा उनले कृषिलाई व्यवसायीकरण गर्न राज्यले लगानी गर्ने वातावरण आवश्यक रहेको बताए । कृषकको खेतसम्म प्राविधिक पहुँच बढाउन कृषि शिक्षाको प्रवर्द्धन गर्नुपर्नेमा उनले जोड दिए ।
लुम्बिनी प्रदेशका पूर्व सदस्यसमेत रहेका न्यौपानेले खेतीको समयमा प्राविधिक व्यवस्थापनका लागि स्थानीय तहलाई बलियो बनाउनुपर्ने उल्लेख गरे । एमालेको नेतृत्वमा क्षेत्रको विकासका योजना सुरु गरिएको र त्यसलाई पूर्णता दिन पार्टीको जित आवश्यक रहेको उनको भनाइ थियो ।
क्षेत्रको शिक्षा, स्वास्थ्य, कृषि, पशुपालन र पूर्वाधार विकासमा एमाले निरन्तर लागिरहेको उनले बताए । घरदैलो अभियानमा पार्टीका नेता, कार्यकर्ता तथा शुभेच्छुकको उल्लेखनीय सहभागिता रहेको एमालेले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
