Logo

२०८३, मंसिर ६गते


images
images

राजनीति

दोलखा एमालेका संस्थापक नेता भण्डारी पार्टीमा फर्किए

दोलखा एमालेका संस्थापक नेता भण्डारी पार्टीमा फर्किए

images
  • दोलखा एमालेका संस्थापक नेता भण्डारी पार्टीमा फर्किए
    images

    दोलखा । नेकपा एमाले दोलखाका संस्थापक नेता शिवप्रसाद भण्डारी पुनः एमालेमा फर्किएका छन्। उनीसँगै भीमेश्वर नगरपालिकाकी पूर्व उपमेयर शान्त बस्नेत तथा अन्य कार्यकर्ताहरूले पनि पार्टी पुनः प्रवेश गरेका छन्।

    images
    images
    images

    भण्डारी एमाले दोलखाको दुई कार्यकाल अध्यक्ष रहिसकेका छन्। साथै उनी केन्द्रीय अनुशासन आयोगका सदस्य तथा पूर्व जिल्ला विकास समिति (जिविस) उपसभापति समेत भइसकेका नेता हुन् ।

    images
    images

    सोमबार बिहान आयोजित पुनर्मिलन कार्यक्रममार्फत भण्डारीसहितका नेताहरूलाई औपचारिक रूपमा पार्टीमा स्वागत गरिएको थियो। कार्यक्रममा एमालेका केन्द्रीय सदस्य तथा दोलखाबाट प्रतिनिधिसभा सदस्यका उम्मेदवार पार्वत गुरुङ, नेता आनन्दप्रसाद पोखरेल, केन्द्रीय सदस्यहरू रचना खड्का र श्यामकुमार बस्नेत, साथै संस्थापक नेताद्वय जीतवीर लामा र लालकुमार केसीलगायत जिल्लाका नेता–कार्यकर्ताको उपस्थिति रहेको थियो ।

    images

    कार्यक्रमलाई सम्बोधन गर्दै भण्डारीले दोलखामा एमालेलाई पहिलो शक्ति बनाउन सबै नेता-कार्यकर्तालाई सक्रिय हुन आह्वान गरे। उनले विभाजन र अन्तर्विरोधलाई अन्त्य गर्दै एकताको सन्देशसहित जनतामाझ जानुपर्ने बताए ।

    आगामी निर्वाचनमा पार्वत गुरुङलाई विजयी गराउन आफू पूर्ण प्रतिबद्ध रहेको उल्लेख गर्दै भण्डारीले दोलखाको विकास र स्थायित्वका लागि एमालेको जीत आवश्यक रहेको धारणा व्यक्त गरेका थिए ।

    चार वर्षअघि एमाले विभाजनपछि भण्डारी नेकपा (एकीकृत समाजवादी) मा पोलिटब्युरो सदस्यको भूमिकामा रहेका थिए ।

     

     

    images
    images
    images
    images
  • सम्बन्धित विषय:

  • # एमाले
  • Copyright © All right reserved to setomasi.com

    सेतोमसीमा प्रकाशित कुनै पनि सामग्रीहरू छापा, विद्युतीय वा अन्य कुनै पनि माध्यमबाट प्रकाशन वा प्रशारण गर्नुअघि अनुमति लिनुहुन अनुरोध छ ।