देवदह । नेकपा (एमाले) केन्द्रीय सचिव छविलाल विश्वकर्माले पार्टीको स्पष्ट नीति, योजना र नेतृत्वका कारण एमालेमाथि प्रहार भइरहेको बताएका छन् । उनले आगामी निर्वाचनपछि पार्टी अझ सशक्त रूपमा देश विकासमा लाग्ने बताए ।
रुपन्देही क्षेत्र नं १ को चुनावी कार्यक्रमलाई सम्बोधन गर्दै उनले देशलाई आगामी १० वर्षभित्र तीव्र विकासको मार्गमा अघि बढाउने लक्ष्य लिइएको दाबी गरे ।
कार्यक्रममा बोल्दै पार्टीका उम्मेदवार दधिराम न्यौपानेले मानव शक्ति र प्राकृतिक स्रोतको अधिकतम उपयोग गर्दै खानी सञ्चालन गर्ने तथा उत्पादनमुखी अर्थतन्त्र सुदृढ गर्ने योजना पार्टीले अघि सारेको बताए ।
'एमाले विजयी भए देशले समृद्धिको स्पष्ट बाटो समाउने छ' उनले भने ।
कार्यक्रममा प्रदेश कमिटी सदस्य कबिराम अर्याल, एमाले तिलोत्तमा नगर अध्यक्ष मिनप्रसाद पोखरेल, सचिव राधा शाही, नेता विष्णु बराल क्षेत्री, उमेशचन्द्र सस्याललगायतले सम्बोधन गरे ।
एमालेले रुपन्देही-१ अन्तर्गत तिलोत्तमा–११, ७, ९, १५, १६ तथा देवदह-१२ लगायत स्थानमा निर्वाचन परिचालन तथा प्रचार-प्रसार कमिटीको कार्यालय स्थापना गरिएको जनाएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)