प्रतिनिधिसभा निर्वाचन

सुकुम्वासी समस्या समाधान गर्न एमालेको सरकार बन्नुपर्छ : उम्मेदवार न्यौपाने

सेतोमसी
माघ २४, २०८२ शनिवार

सुकुम्वासी समस्या समाधान गर्न एमालेको सरकार बन्नुपर्छ : उम्मेदवार न्यौपाने

अ +
अ
अ -

देवदह । रुपन्देही १ का उम्मेदवार दधिराम न्यौपानेले नेकपा एमालेको सरकारले मात्र अव्यवस्थित तथा सुकुम्वासी समस्या समाधान गर्ने दावी गरेका छन् । न्यौपानेले एमालेको सरकारले नागरिकलाई लालपुर्जा वितरण गर्ने काम शुरुवात गरेको अवस्थामा जेनजी आन्दोलन मार्फत सरकार गिराउने काम भएको बताए ।

नेकपा एमाले देवदह-१०, चरेङ्गेमा निर्वाचन परिचालन तथा प्रचार प्रसार कार्यालय उद्घाटन गर्दै उ न्यौपानेले राष्ट्रियताको पक्षमा एमालेको नीति स्पष्ट रहेकोले निर्वाचनमा सूर्यध्वजा वाहकलाई जिताउन सवै लाग्नु पर्नेमा जोड दिए ।

उनले रुपन्देहीको क्षेत्र नम्वर १, का अधुरा विकास निर्माणको कामलाई पूर्णता दिनपनि एमालेले जित्न आवश्यक रहेकोमा जोड दिए । उम्मेदवार न्यौपानेले क्षेत्र नम्वर १ मा एमालेको नेतृत्वमा विकास निर्माणका धेरै काम भएको बताउदै अधुरा रहेका कामलाई पुरा गर्ने आफु लागि पर्ने जनाए ।

नेकपा एमालेका केन्द्रिय सदस्य समेत रहेका न्यौपानेले आफु निर्वाचित भएपछि नागरिकको शिर झुकाउने गरी कुनैपनि काम नगर्ने प्रतिवद्धता व्यक्त गरे ।

नेकपा एमाले देवदह-१० का निर्वाचन परिचालन कमिटी संयोजक ओमबहादुर रानाको अध्यक्षतामा भएको कार्यक्रममा निर्वाचन परिचालन क्षेत्रीय संयोजक प्रकाश अर्याल, उमेश पुन लगाएतले बोलेका थिए ।

कुमार परियारको सञ्चालनमा भएको कार्यक्रममा पार्टीका नेता तथा युवा कार्यकर्ताहरुको उल्लेख्य सहभागिता रहेको थियो ।