काठमाडौं । नेपाल कम्युनिस्ट पार्टी (माओवादी केन्द्र) का संयोजक तथा पूर्वप्रधानमन्त्री पुष्पकमल दाहाल ‘प्रचण्ड’ ले देशभरका नर्सहरूका मागहरू तत्काल सम्बोधन गर्न सरकारसँग आग्रह गरेका छन् । सामाजिक सञ्जाल फेसबुकको माध्यमबाट यस्तो आग्रह गरेका हुन् ।
हाल देशभर झण्डै डेढ लाख नर्सिङ सेवामा कार्यरत कर्मचारीहरू तोकिएको तलबमानभन्दा कम पारिश्रमिक, असमान व्यवहार, स्टाफको अभाव, अस्थायी रोजगारी, सामाजिक सुरक्षाको कमी र कार्यस्थलमा असुरक्षा लगायतका समस्याविरुद्ध आन्दोलनरत् छन् ।
संयोजक प्रचण्डले नर्सहरूको सम्मान, सुरक्षाको ग्यारेन्टी र पेशागत अधिकार सुनिश्चितता बिना नेपालको जनस्वास्थ्य सेवा प्रणाली बलियो बन्न नसक्ने बताउँदै, नर्सहरूको जायज मागप्रति सरकारले गम्भीर ध्यान दिनुपर्नेमा जोड दिएका छन् ।
उनले नर्सहरूको समस्या समाधानका लागि तत्काल कदम चाल्न सम्बद्ध निकायलाई आग्रह गर्दै स्वास्थ्य क्षेत्रमा श्रम–सम्मान र न्यायको वातावरण सिर्जना गर्न सरकारलाई सचेत गराएका छन् ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
