देवदह । देवदह बुद्ध पब्लिक आवासीय मा.वि.मा बाल दिवसको अवसरमा नेपाली तथा अंग्रेजी विषयको श्रुति लेखन प्रतियोगिता गरिएको छ ।
विद्यालयमा गठित बाल क्लबको आयोजनामा भएको कार्यक्रममा बोल्दै विद्यालयका प्रिन्सिपल कृष्णप्रसाद गैरेले श्रुतिलेखनले भाषाका ४ सिप सुनाइ, बोलाई, पढाई र लेखाई मध्ये आधारभूत सुनाई सिप विकासमा महत्वपूर्ण भूमिका खेल्ने बताए । बाल क्लबले यस्ता रचनात्मक र सिर्जनात्मक कार्यक्रम गर्दा विद्यालय कहिल्यै बाधक नबन्ने सो अवसरमा उनले बताए ।
बाल क्लब अध्यक्ष स्पर्श भण्डारीको अध्यक्षता, उपाध्यक्ष सुजल पौडेलको स्वागत, एवम् सचिव भावना रानाको सञ्चालनमा भएको कार्यक्रमको अतिरिक्त क्रियाकलाप प्रमुख दुण्डिराज मरासिनी र बाल क्लब इन्चार्ज बलराम ज्ञवालीले संयोजन गरेका थिए । कक्षा ४, ५, ६ तर्फ नेपाली र कक्षा ७, ८ र ९ तर्फ अंग्रेजी गरी दई तहमा सञ्चालित उक्त कार्यक्रममा विद्यालयका सहायक प्रिन्सिपल वेद सूर्यवंशी, रोशी गुरुङ्ग, मा.वि इन्चार्ज मुक्ति विश्वकर्मा, प्रा.वि इन्चार्ज अञ्जना वली लगायत शिक्षकहरुको सहभागिता थियो ।
प्रतियोगितामा सहभागी विद्यार्थीहरुको नतिजा प्रकाशन भएपछि सोमवार बिहानी प्राथना सभामा पुरस्कार वितरण गरिने विद्यालयले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
