जनबोध नमुना माविका विद्यार्थीको नमुना काम: देउसी भैलो खेलेर उठेको रकमबाट विद्यालयमै सहयोग

सेतोमसी
मंसिर २२, २०७८ बुधवार

जनबोध नमुना माविका विद्यार्थीको नमुना काम: देउसी भैलो खेलेर उठेको रकमबाट विद्यालयमै सहयोग

अ +
अ
अ -

माधव ज्ञवाली, गुल्मी। गुल्मीमा देउसी भैलो खेलेर उठेको रकमबाट विद्यार्थीले आफ्नै विद्यालयमा पढ्ने विद्यार्थीलाई सहयोग गरेका छन् । जिल्लाको जनबोध नमुना माध्यमिक विद्यालय रुरुक्षेत्र ४-५ का विद्यार्थीले देउसी भैलो खेलेर उठेको रकमबाट आफ्नै विद्यालयका गरिब तथा जेहेन्दार विद्यार्थीहरुलाई सहयोग गरेका हुन् ।

"केही विद्यालय भन्दा बाहिरका र धेरैजसो आफ्नै विद्यालयका विद्यार्थीहरु मिलेर देउसी भैलो खेलेका थियौँ। जसबाट १० हजार बराबरको सहयोग आफ्नै विद्यालयका प्रावि र निमावि तहका जम्मा १२ जना गरिब तथा जेहेन्दार विद्यार्थीलाई सहयोग गर्यौँ।" देउसी भैलो कार्यक्रम संयोजक एवं सोही विद्यालयका विद्यार्थी अनिष गहतराजले बताए।

प्रावि तहका ३ जना विद्यार्थीलाई ट्र्याक सुटको सेट,जुत्ता र टाइ बेल्ट तथा निमावि तहका ९ जना विद्यार्थीलाई जुता र ट्र्याक सहयोग गरिएको उनले बताए । विद्यालयलाई "पुर्ण विद्यालय पोसाक " युक्त बनाउने उदेश्य सहित आफ्नो विद्यालय पोसाक समेत किन्न नसकेका विद्यार्थीलाई सहयोग गर्न पाउँदा निकै खुसी लागेको उनले बताए।देउसी भैलो कार्यक्रमको सह-संयोजकको जिम्मा विद्यार्थी मुना रेस्मीले गरेकी थिइन् ।

कार्यक्रमलाई सफल पार्न सहयोग गर्ने सम्पुर्ण साथीहरु तथा संबंधित ब्यक्तिहरु प्रती आभार प्रकट गर्दै आगामी दिनहरुमा पनि यस्तै कार्य गरिने उनले बताए। सानो उमेरमै समाजसेवाको भावनाले उत्प्रेरित हुँदै सहयोग गरेकोमा विद्यालयको तर्फबाट प्रधानाध्यापक बामदेव ज्ञवालीले धन्यवाद प्रकट गर्दै आगामी दिनहरुमा पनि यस्तै कार्यको लागि हौसला प्रदान गरेका छन् ।