देवदह । बुद्ध पब्लिक आवासीय मा.वि देवदहले कक्षा ११ को वार्षिक परीक्षा दिएका विद्यार्थीलाई लक्षित गरी तालिम सञ्चालन गरेको छ । विद्यालयले कक्षा ११ मा होटल म्यानेजमेन्ट विषयमा अध्ययन गर्ने विद्यार्थीका लागि बारिष्ठा तथा कम्प्यूटर साईन्स अध्ययन गर्ने विद्यार्थीहरुलाई वर्कसप अन वेभ डेभलपमेन्ट सम्बन्धि तालिम सञ्चालन गरिएको विद्यालयले जनाएको छ ।
तालिम उद्घाटन गर्दै प्रिन्सिपल कृष्णप्रसाद गैरेले विद्यालयले सैद्धान्तिक शिक्षासंगै जीवनोपयोगी र प्रयोगात्मक शिक्षामा जोड दिएको बताए । ‘एउटा लेवलको अध्ययन पुरा गरिसकेपछि विद्यार्थीमा व्यवहारिकपन देखिनुप¥यो भन्ने हाम्रो मान्यता हो ।’ उनले भने, ‘त्यसैले यसलाई सार्थक तुल्याउन समय समयमा विभिन्न तालिम, गोष्ठि र अन्तरक्रिया हरु गर्ने गरेका छौं ।’
राज्यले लिएको पढ्दै कमाउँदै गर्ने नीतिलाई तालिमले सहयोग पु¥याउने कुरामा आफू विश्वास्त रहेको बताउँदै प्रिन्सिपल गैरेले सहभागि विद्यार्थीहरुलाई तालिमको भरपुर उपयोग गर्न आग्रह गरे ।
कार्यक्रममा विद्यालयका सहायक प्रिन्सिपल वेद सूर्यवंशी, कक्षा ११ र १२ का संयोजक अनन्तराम भण्डारी, मा.वि इन्चार्ज मुक्ति विश्वकर्मा, कम्प्युटर साईन्सका प्रशिक्षक लोकेन्द्र जर्घा, सुरज ठडराई, बारिष्ठा प्रशिक्षक भानुभक्त पंगेनी लगायतले बोल्दै तालिमले विद्यार्थीहरुलाई उत्साह भर्ने विश्वास व्यक्त गरे ।
वेभ डेभलपमेन्ट सम्बन्धि तालिममा कम्प्यूटर साईन्स अध्ययन गर्ने विद्यार्थीहरु
अतिरिक्त क्रियाकलाप प्रमुख ढुण्डिराज मरासिनीको संयोजनमा सञ्चालित तालिम जेठ २० गतेसम्म चल्ने बताईएको छ । तालिममा होटल म्यानेजमेन्ट तर्फ ७० जना र कम्प्यूटर साइन्स तर्फ ३४ जना विद्यार्थी सहभागि रहेको संयोजक मरासिनीले जानकारी दिए । विद्यालयले यहि जेठ १८, १९ र २० गते फाइनान्स अध्ययनरत विद्यार्थीहरुलाई लेखा व्यवस्थापन सम्बन्धि तालिम सञ्चालन गर्ने जनाएको छ ।
.gif)
