देवदह । देवदह स्थित सगरमाथा आवासीय माध्यमिक विद्यालयका प्राचार्य कृष्णप्रसाद पौडेल नेशनल प्याब्सनको आठौं राष्ट्रिय महाधिवेशनबाट उप–महासचिवमा निर्वाचित भएका छन् । इप्सा रूपन्देहीका सल्लाहकार समेत रहेका पौडेल शुक्रवार सम्पन्न एन प्याब्सनको आठौं राष्ट्रिय महाधिवेशनबाट उप–महासचिवमा निर्वाचित भएका हुन् ।
३ बर्षे कार्यकाल रहने एन प्याव्सनको अध्यक्षमा संस्थाका संस्थापक अध्यक्ष गीता क्षेत्री राणा पुन्ह चयन भएकी छन् । ५७ सदस्यीय केन्द्रिय समितिमा हाल ५२ जना सर्वसम्मत भएको उप महासचिव पौडेलले जानकारी दिए । एन प्याव्सनको विधान अनुसार निर्वाचित कार्यसमितिले अन्य पाँच जना विज्ञहरु मध्येबाट मनोनित गर्नेछ ।
यसअघि फाल्गुन १५ गते सुरु भई एक हजार एक सय ९८ प्रतिनिधिको उपस्थितीमा सम्पन्न अधिवेशनको पूर्व उद्योग बाणिज्य तथा आपुर्ति मन्त्रि रमेश रिजालले उद्घाटन गरेका थिए ।
कार्यक्रममा मधेश विश्वविद्यालयका उपकुलपति प्रोफेसर डा. दिपक चन्द, पूर्व अध्यक्षहरु रितुराज सापकोटा, कर्णबहादुर शाही लगाएतले बोलेका थिए । पाण्डब हमाल ठकुरीको अध्यक्षता र महासचिव पारशमणी दाहालको सञ्चानमा कार्यक्रम भएको हो ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)