रेशम अधिकारी 'अशोक', देवदह । रुपन्देहीको देवदहस्थित केरवानी माध्यमिक बिद्यालयले २०७७ मंसिरमा कक्षा १२ को लिखित परिक्षा सकाएका कृषि बिज्ञान बिषयका विद्यार्थीको अन-द जब ट्रेनिङ्ग (ओजेटी) को बाह्य मुल्यांकन सकाएको छ ।

यस अघि ओजेटीमा ढिलाइ गरिएको गुनासो आएपछी सेतोमसीले बिद्यालयका प्रधानाध्यापक दुर्गादत्त शर्मा र परिक्षाबोर्डका अधिकृत बाबुराम भण्डारीको भनाइ सहितको समाचार प्रकाशित गरेको थियो ।

विद्यार्थीको भविष्यमाथी केरवानी माविको गम्भीर लापरबाही, विद्यार्थीको एक बर्ष गुम्ने खतरा परिक्षा बोर्डका अधिकारीका अनुसार सामान्यतया परिक्षा सकिएको मितिले ६ महीनासम्म चल्नुपर्ने भएपनी कोरोना महामारीका कारण परिक्षा सुरु हुनु अघि २०७७ असोजबाटै ओजेटी सुरु गराइ चैत २० सम्म सकाउन परिक्षा बोर्ड्ले निर्देशन दिएको थियो । विविध कारणले परिक्षा बोर्डको उक्त निर्देशन पछ्याउन नसक्दा ओजेटीको बाह्य मुल्यांकन १५ दिन ढिलो हुन गएको हो ।

यद्यपि कृषि बिज्ञान पढाइ हुने अन्य केहि बिद्यालयहरुले समेत अझै उक्त ओजेटी नसकाइसकेको तथ्य सेतोमसीले फेला पारेको छ । नवरत्न माविका प्रधानाध्यापक हेमराज आचार्यसंगको कुराकानीमा उक्त कुरा खुलेको हो । सेतोमसीसंग कुरा गर्दै प्रअ आचार्यले बिबिध कारणले परिक्षा बोर्डको पछिल्लो निर्देशनबारे प्रष्टता नभएकोले आफुहरु अलमलमा परेको बताए । केरवानी माविले परिक्षा सकाएसंगै आफुहरुले पनि यहि बैशाख १२ गते बाह्य मुल्यांकन गराउने गरि तयारी गरेको बताउँदै प्रअ आचार्यले आफुबाट कमजोरी भएको स्विकार गरे ।

'केरवानी मावि प्रथम भयो, अव १० दिनमा प्रमाणपत्र उपलब्ध गराउँछ' - प्रअ शर्मा

केरवानी माविका प्रधानाध्यापक दुर्गादत्त शर्माले केरवानी मावि यस क्षेत्रमा कृषि बिज्ञान तर्फको ओजेटी सकाउने प्रथम बिद्यालय भएको दावी गरेका छन । सेतोमसीसंग कुरा गर्दै प्रधानाध्यापक शर्माले आइतबार (आज) ओजेटी सकिएको र सबै प्रक्रिया पुर्याएर अब १० दिनभित्र विद्यार्थीलाई सर्टिफिकेट उपलब्ध गराइने बताए ।