देवदह । नेपाल कम्युनिष्ट पार्टी (माओवादी केन्द्र) निकट विद्यार्थी संगठन अखिल (क्रान्तिकारी) ले बुटवल उपमहानगरको ज्योतिनगरमा वृक्षरोपण गरेको छ । संगठनको 'एक विद्यार्थी, एक विरुवा' अभियान अनुसार संगठनको जिल्ला समितिले बुटवलमा वृक्षरोपण गरेको जिल्ला अध्यक्ष कपिल चापागाईंले जानकारी दिए ।
अत्यधिक पहिरोग्रस्त ठाउँ बुटवल उपहनागरपलिकाको वडा नं ३ मा अवस्थित ज्योतिनगरमा बाँस, खयर, चिलाउने, सल्ला लगायतका ६०० विरुवा रोपिएको संगठनले जनाएको छ ।
"ग्लोबल वार्मिङ्गलाई नियन्त्रण गर्ने र प्राकृतिक प्रकोपको जोखिम रोक्ने कार्यमा अबको नयाँ पुस्ताले अभियान संचालन गर्नुपर्छ भन्ने उद्धेश्यले 'एक विद्यार्थी, एक विरुवा' अभियान सुरू गरिएको हो" अध्यक्ष चापागाईंले भने, "रूपन्देहीमा त्यसको सुरुवात बुटवलको ज्योतिनगरमा वृक्षरोपण गरेर भएको छ । यसलाई जिल्ला भरि विस्तार गरेर ५० हजार विरुवा रोप्ने योजनामा छौं ।"
शनिबार आयोजित वृक्षरोपण कार्यक्रममा पार्टीका क्षेत्रीय सचिव विष्णु ढकाल, संगठनका केन्द्रिय सचिव माधव पाण्डेसहितका नेता, कार्यकर्ता र विद्यार्थीहरूको उपस्थिति रहेको जनाइएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
