देवदह । जेसीजको राष्ट्रिय अध्यक्षमा देवदहका विजय गुरुङले उम्मेदवारी दिने भएका छन्। आइतबार सम्पन्न देवदह जेसीसको कार्यसमिति बैठकले देवदह शाखाका संस्थापक अध्यक्ष विजय गुरुङलाई राष्ट्रिय अध्यक्षको उम्मेदवार बनाउने सर्वसम्मत निर्णय गरेको हो।
"तालिम र अभ्यासको माध्यमबाट युबाहरुको नेतृत्व, व्यक्तित्व र उद्यमशिलता विकास गराउन सफल संस्थाका संस्थापक अध्यक्ष तथा नेपाल जेसीजका पुर्ब कार्यकारिणी उपाध्यक्ष बिजय गुरुङलाई उम्मेदवारी दिन सर्बसहमतीबाट निर्णय गरियो" जेसीसको निर्णयमा भनिएको छ।
देवदह जेसिज बर्ष २०२३ का अध्यक्ष दुर्गा दाहालको अध्यक्षतामा र बुटवल जेसिजको आतिथ्यतामा सम्पन्न बैठकले २०८० पुष महिनामा सम्पन्न हुन गहिरहेको ५० औं राष्ट्रिय महाधिवेशनमा गुरुङलाई उम्मेदवार बनाउने निर्णय गरेको हो।
त्यसैगरी बर्षायामको सुरुवातसंगै आईपर्ने बाढी पहिरो तथा प्राकृतिक बिपत्तिमा सहयोग पुर्याउने उद्देश्यले स्थानीय सरकारसङ्गको सहकार्यमा बिपद व्यवस्थापन समिती गठन गरि प्रत्यक्ष रुपमा अग्रपंक्तिमा रहेर मानव सेवामा समर्पित रहने निर्णय समेत देवदह जेसिसले गरेको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
