काठमाडौँ । नेपाली क्रिकेट टोलीले हङ्कङमा जारी एसीसी महिला टीट्वान्टी इमर्जिङ टिम्स एसिया कप प्रतियोगितामा बिहीबार भारतको ’ए’ टोलीसँग प्रतिस्पर्धा गर्दैछ । जारी प्रतियोगितामा नेपाली टोलीले आफ्नो दोस्रो खेल खेल्न लागेको हो ।
नेपाल र भारत ‘ए’बीचको खेल बिहान ११ बजेर १५ मिनेटमा मा सुरु हुने तय भएको छ । नेपाली टोली आफ्नो पहिलो खेलमा भने पाकिस्तान ’ए’ सँग पराजित भएको थियो । नेपालले पाकिस्तानलाई ८७ रनमा अलआउट गरेको थियो । तर, जवाफी ब्याटिङमा ओर्लिएको नेपालले २० ओभरमा ७८ रनमात्र बनाउन सकेको थियो ।
जारी प्रतियोगितामा यो भारतको पनि दोस्रो खेल हो । भारतले आफ्नो पहिलो खेलमा हङकङलाई नौ विकेटले हराएको थियो । सेमिफाइनलमा पुग्ने सम्भावना जीवित राख्न नेपालका लागि यो खेलमा जित आवश्यक छ ।
प्राविधिक कारणले अन्तिम समयमा आएर थाइल्यान्डले प्रतियोगिता नखेल्ने भएपछि यो प्रतियोगितामा नेपालले सहभागिताको अवसर पाएको हो । एसीसी महिला टीट्वान्टी इमर्जिङ टिम्स एसिया कपमा नेपाली महिला टोलीको यो पहिलो सहभागिता हो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
