काठमाडौं । नेपाली महिला क्रिकेट टिमले टी–२० अन्तर्राष्ट्रिय सिरिजको चौथो खेलमा मलेसियासँग हार ब्यहोरेको छ ।
शनिबार भएको खेलमा घरेलु टिम मलेसियासँग नेपाल चार विकेटले पराजित भएको हो । ९८ रनको चुनौती पछ्याउँदै ब्याटिङ गरेको मलेसियाले निर्धारित २० ओभरमा ६ विकेटको क्षतिमा लक्ष्य भेटायो । मलेसियाकी विनिफ्रेड दुराईसिंगमले ३८ र महिराह इस्माइलले १६ रन बनाए । बलिङतर्फ नेपालका कविता कुँवर, कप्तान रुविना क्षेत्री, सीता रानामगर र कविता जोशीले समान १–१ विकेट लिए ।
यसअघि पहिले ब्याटिङ गरेको नेपालले निर्धारित २० ओभरमा सात विकेटको क्षतिमा ९७ रन मात्रै बनाएको थियो । नेपालका लागि इन्दु बर्माले ३२ र विन्दु रावलले २४ रन बनाए ।
यो जितसँगै मलेसियाले पाँच खेलको टी–२० सिरिजमा २–२ को बराबरी बनाएको छ । यसअघि भएको पहिलो खेलमा नेपाल मलेसियासँग पाँच विकेटले पराजित भएको थियो । त्यसपछि नेपालले दोस्रो खेलमा सात विकेटले हराएको थियो भने तेस्रो खेलमा २७ रनले हराएको थियो । नेपालले भोलि आइतबार मलेसियासँग पाँचौँ खेल खेल्नेछ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
