कविता

कविता : अमुक कैदी

सेतोमसी सहकर्मी

अ +
अ
अ -

कविता : अमुक कैदी

सधै म
आफ्नै लागि
हो हो मेरै लागि
अथक योद्धा जस्तै
अहोरात्र
मलाई खोजिरहेको छु।
म नहुँदा पनि
मेरा वरिपरिका
पृथ्वी,वायु,
जल,अग्नी र आकाश
यथावत नै थिए
अनन्त कालदेखि ।
तर म कहाँ थिएँ ?
हो हो म कहा थिए ?

यही प्रश्नमा गुजुल्टिएको म,
तिनै पृथ्वी, वायु,
जल,अग्नी र आकाशको
समिश्रणले वनेको
यो स्थूल शरिरलाई घिस्याउदै,
यहि भौतिक संसारमा
निरन्तर
मेरो मेरो भन्दै
अथक प्रयास गरेर
म भित्रको म खोजिरहेको छु ।

तर मैले खोजिरहेको मेरो म
के हो ?
कस्तो छ ?
अनि कहा छ ?
हो यहि प्रश्नमा
दिनरात घेरिइरहेको म
अनन्तकाल देखि नै
अनवरत अस्तित्वमा रहेको
पञ्च भौतिक तत्वको
कारागार भित्र
निरुत्तर
बन्दी भैरहेको छु
एउटा अमुक कैदी जस्तो !!

- किशोर कोइराला, इनरुवा, सुनसरी

सम्बन्धित विषय:

# कविता

यो पनि

गुरु–वन्दना

कविता : के थाहा महलमा बस्नेलाई

आज विश्व कविता दिवस मनाइदै

इतिहास भुल्न कहाँ सक्छौ र ?

यहि हो पुरुषको परिचय

कविता : गाउँको विलाप

फर्क युवा, फर्क स्वदेशमा

कविता : नामले हुने हो भने …

सेतोमसी सहकर्मी

लेखकबाट थप

ताजा अपडेट

सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)