सेतोमसी सहकर्मी
सतहको निकै गहिराईमा
समाज बिखण्डनका गुलिया विष बोकेर
तैरिदै थियो जातियताका पनडुब्बीहरु।
सतह भन्दा धेरैमाथी
पुँजिवादी हावामा
कानुनको घाँटी बांधेर
उड्दै थियो संघीयताका बेलुनहरु ।
ठेकेदार मालिक बने
मजदुर सुकुम्बासी बने
जनताका सपना तुहाएर
नाच्दै थिए नेताहरु ।
मेचिमहाकालिको परिधिभित्र
चुनाव उपचुनाव दल बदलको भोजभतेरमा
गणतन्त्रको मेचमाथी पस्किदै थियो
सामन्तवादका नयाँनयाँ परिकारहरु।
यता
श्रम बेच्न मंगलसुत्र धितो राखेर
उड्दै थियो जहाजमा मजदुरहरु ।
सिनोमा गिद्व झ्याम्मिए जस्तै
भागबन्डामा दलहरु लुछाचुडी गर्दैगर्दा
मानव निर्यात गरेर आयात गरेको चामलमा
आँशुको पानी मिसाएर धान्दै थिए जिवनहरु।
रेमिटान्सको सुगन्धले जुँगा मुसार्दै गर्दा
खाडीमा बगेको रगत भित्र
खोज्दै थिए जिवनबिमाको कमिसनहरु ।
खोज्दै थिए जिवनबिमाको कमिसनहरु ।
रामचन्द्र तिम्सिना (आवाज)
म्यागङ -५ नुवाकोट
सेतोमसी सहकर्मी
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
